តើជនឆបោកទាំងនោះ ធ្វើសកម្មភាពដោយរបៀបណា?

ចំណុចសំខាន់ៗដែលលោកអ្នកត្រូវចងចាំជានិច្ច ដើម្បីការពារខ្លួន៖

• ❌ ធនាគារពិតប្រាកដ មិនដែល ទាក់ទងអតិថិជនតាមរយៈ Telegram ឬប្រើលេខទូរស័ព្ទផ្ទាល់ខ្លួន ដើម្បីទាមទារឱ្យវេរលុយនោះទេ។

• ❌ ធនាគារ មិនដែល បង្កើត QR Code រួចផ្ញើឱ្យអតិថិជនតាមសារឆាត ដើម្បីទទួលប្រាក់ឡើយ។

• ❌ សូមកុំជឿដាច់ខាតនូវពាក្យលួងលោមថា "ដកប្រាក់ចេញសិន និងដាក់ចូលវិញ"។

• ❌ ជនអនាមិក មិនមានសិទ្ធិ ឬលទ្ធភាពចូលទៅជួសជុលគណនីធនាគាររបស់លោកអ្នកបានឡើយ។

• ✅ ដាច់ខាត កុំផ្តល់ព័ត៌មានសម្ងាត់ ដូចជា លេខកូដ OTP, PIN ឬលេខសម្ងាត់គណនីធនាគារទៅកាន់នរណាម្នាក់ឱ្យសោះ ទោះក្នុងកាលៈទេសៈណាក៏ដោយ។

មុននឹងសម្រេចចិត្តធ្វើការផ្ទេរប្រាក់ទៅកាន់គណនីណាមួយ សូមបងប្អូនសាធារណជនមេត្តាពិនិត្យ និងពិចារណាឱ្យបានហ្មត់ចត់បំផុត។ ប្រសិនបើមានការសង្ស័យ ឬបារម្ភថាគណនីធនាគាររបស់លោកអ្នកពិតជាមានបញ្ហាមែននោះ សូមទាក់ទងទៅកាន់លេខទូរស័ព្ទបម្រើសេវាអតិថិជនផ្លូវការរបស់ធនាគារ ឬអញ្ជើញទៅកាន់សាខាធនាគារផ្ទាល់តែម្តង ដើម្បីដោះស្រាយបញ្ហា។ ការធ្វើបែបនេះ គឺដើម្បីជៀសវាងការខាតបង់ទ្រព្យសម្បត្តិដោយប្រការណាមួយ និងធានាបាននូវសុវត្ថិភាពហិរញ្ញវត្ថុរបស់លោកអ្នក៕