ថ្មីៗនេះ នៅប្រជាជនថៃជាច្រើននាក់កំពុងមានការជជែកវែកញែកគ្នានិយាយពីរឿងឡានអគ្គិសនីយ៉ាងក្តៅគគុក ដោយឡែកគិតត្រឹមខែទី១ ក្នុងឆ្នាំ២០២៣ ឡានអគ្គិសនីចិន BYD ATTO 3 បានក្លាយជាឡានអគ្គិសនីលក់ជាងគេបំផុត ជាប់ចំណាត់ថា្នក់លេង១ ក្នុងចំណោមក្រុមហ៊ុនមកពីជុំវិញពិភពលោក ដូចជា NETA, MG, ORA, BYD, Vovlo, MINI, និង BMW ជាដើម។
យោងតាមប្រភពពី CarNewschina.com បានឲ្យដឹងថា ប្រទេសថៃបានរកឃើញជើងឯកដែលបានលក់ឡានអគ្គិសនីច្រើនជាងនៅក្នុងខែមករា ២០២៣ ហើយជើងឯកនោះគឺជា BYD ATTO 3 ដែលជាឡានប្រើអគ្គិសនីសុទ្ធ ជាមួយនឹងការលក់ ១០៤០ គ្រឿង ត្រឹមតែ១ខែប៉ុណ្ណោះ។ ហើយសម្រាប់អ្នកដែលឈរនៅលេខ ២ គឺជាឡានអគ្គិសនី NETA V លក់បាន 555គ្រឿង និងលេខ ៣ ជា ORA Good Cat លក់បាន 494គ្រឿង ក្រៅពីនេះគឺមានដូចតារាងនៅខាងក្រោម។
តួយ៉ាង កាលពីខែតុលា ឆ្នាំ២០២២ កន្លងទៅ BYD ធ្វើការបង្ហាញ ATTO 3 ជាផ្លូវការ ប៉ុន្តែចម្លែកអីត្រឹមតែរយ:ពេល ៤២ថ្ងៃ ក្រោយមក BYD ទទួលបានកក់ឡានអគ្គិសនី ATTO 3 ជាង ១០៥០០ គ្រឿង ។ យ៉ាងណាមិញ BYD ក៏ធ្លាប់ក្លាយជាជើងឯកលក់ឡានដាច់ជាងគេ នៅប្រទេសចិន ដោយនាំមុខឡានរបស់ Tesla ថែមទៀតផង។
ម្យ៉ាងវិញទៀត BYD ATTO 3 នៅថៃមានតម្លៃជាង 1.2លានបាត ឬ 35,400ដុល្លារ ហើយបើសម្រាប់តម្លៃលក់នៅចិន គឺ 20300ដុល្លារ និងតម្លៃនៅខាងប៉ែកអឺរ៉ុប ឡើងដល់ 40500ដុល្លារ៕
អត្ថបទដោយ៖ ព្រឹម ភក្តី
