[ក្រៅស្រុក] ៖ នៅប្រទេសថៃមានករណីឆេះឡានអគ្គិសនី ១គ្រឿង BYD Atto 3 កាលពីថ្ងៃទី០៣ ខែកញ្ញា ឆ្នាំ២០២៣ បណ្តាលមកពីការឆ្លងចរន្តភ្លើងទៅកាន់អាគុយជំនួយ 12V នៅផ្នែកខាងមុខខណ:ដែលឡានកំពុងតែសាកថ្ម DC Fast Charged នៅពីមុខផ្សារទំនើបមួយកន្លែងនៅប្រទេសថៃ ប៉ុន្តែសភាពការត្រូវបានសង្គ្រោះទាល់ពេលវេលាដោយសារមានក្រុមពន្លត់អគ្គិសនីភ័យបានចុះទៅដល់ភ្លាមៗ។
យ៉ាងណាមិញ បញ្ហាទាំងនេះត្រូវបានក្រុមហ៊ុនចែកចែងប្រចាំថៃ BYD Rever Thailand បានធ្វើការចុះស៊ើបសង្កេនភ្លាមៗលើករណីនេះ ។ បញ្ជាក់ម្ចាស់ឡានអគ្គិសនី BYD Atto 3 ទើបតែប្រើរថយន្តនេះអស់រយ:ពេល ៦ខែទេ ដូច្នេះបញ្ហានេះត្រូវបានស្ថិតក្នុងការធានារបស់ក្រុមហ៊ុន BYD ។
តួរយ៉ាងថ្មីៗនេះ ក្រុមហ៊ុន BYD បានធ្វើការប្តូររថយន្តថ្មីម៉ូដែលដដែល BYD Atto 3 ជូនអតិថិជនដែលម្ចាស់ឡានផ្ទាល់តែម្តង កាលពីថ្ងៃទី០៧ ខែកញ្ញា ឆ្នាំ២០២៣ នេះបើយោងតាមប្រភពពីផេកហ្វេសប៊ុក Autolifethailand ។
គួរជំរាបផងដែរថា ម៉ូដែលឡានអគ្គិសនី BYD Atto 3 សាកថ្មមួយពេញរត់បានចម្ងាយ សម្រាប់ Standard Rang 410Km និង Extended Rang 480KM និងមានតម្លៃនៅប្រទេសថៃ 1,099,900 - 1,199,900 បាត ឬ 30908ដុល្លារ - 33718ដុល្លារ ព្រមទាំងមានការធានលើគុណភាព និងថ្មរបស់រថយន្តរហូតដល់ ៨ឆ្នាំ និង ១៦០០០០គ.ម ៕
អត្ថបទដោយ៖ ព្រឹម ភក្តី
