កាលពេលថ្មីៗនេះ ក្រុមហ៊ុន Audi បានប្រកាសចេញនូវរបស់ជិះថ្មី អាចបើកឡើងភ្នំ ចូលព្រៃ បែប off-Road បានមួយចប់ ហើយតម្លៃវិញត្រឹម ១ម៉ឺនដុល្លារតែប៉ុណ្ណោះ បើបងប្អូនមានចាប់អារម្មណ៍កក់ទុកមួយឲ្យហើយទៅព្រោះថា របស់មានចំនួនកំណត់ដែលត្រូវផលិត។
យោងតាមការប្រភពចេញផ្សាយពី bikeradar បានឲ្យដឹងថា ក្រុមហ៊ុន Audi កំពុងមានដំណើរទៅចាប់យកនូវរថយន្តអគ្គិសនីបណ្តើរហើយ ខណ:ដែលខ្លួនទើបតែប្រកាសចេញលក់នូវរបស់ជិះថ្មី តម្លៃ ១ម៉ឺនដុល្លារ ដែលជាយានជំនិះកង់ពីរប្រើអគ្គិសនី ហើយនោះគឺ កង់អគ្គិសនីឡើងភ្នំ E-Tron ។
សម្រាប់ការឌីហ្សាញ ក៏ដូចជាគំនិចផ្តួចផ្តើមផលិតកង់ឡើងភ្នំនេះ ត្រូវបានបំផុសចេញក្រុមហ៊ុនអ្នកប្រណាំងឡាន RS Q e-tron E2 electric Dakar Rally ហើយកង់នេះដែរអ្នកដែលទទួលបន្ទក់អ្នកផលិតជាក្រុមហ៊ុន Fantic ។
កង់ឡើងភ្នំដែលមានតម្លៃ ១ម៉ឺនដុល្លារ នេះត្រូវបានបំពាក់ជាមួយម៉ូទ័រអគ្គិសនីមួយគ្រឿងម៉ាក Brose មានកម្លាំង 250W និងមានថាមពលថ្ម 720Wh ដោយកង់នេះមានទំហំថ្មធំជាងកង់របស់ក្រុមហ៊ុនស្តេចម៉ូតូ Harley-Davidson Bash/Mm ទៅទៀត។ មួយវិញទៀតបើតាមការបញ្ជាក់ពីខាង Audi បានឲ្យដឹងទៀតថា សម្រាប់ថាមពលថ្ម នៅពេលសាកពេញម្តងអាចរត់ចម្ងាយចន្លោះពី ៤៨គ.ម សម្រាប់ការឡើងភ្នំ ឬ ជិះបែប off-Road និង ១៥២គ.ម សម្រាប់ផ្លូវរាបស្មើរ ។
អ្វីដែលកាន់ភ្ញាក់ផ្អើលមួយទៀត គឺកង់អគ្គិសនីរបស់ Audi នេះអាចប្រើ Mode បាន ៤ កម្រិត ដូចជា Eco , Sport , Tour និង All-out Boost Mode ។ រាល់ការដាក់ Mode នីមួយៗ គឺអាស្រ័យស្ថានភាពផ្លូវដែលជិះឆ្លងកាត់ ដោយយើងអាចបញ្ជារបាន។
គួរជំរាបផងដែរថា នៅឆ្នាំ២០២២ ក្រុមហ៊ុន Audi បានលក់រថយន្តអគ្គិសនីបានចំនួន ១សែនគ្រឿងទៅកាន់ពិភពលោក ហើយរំលង ១២ខែ ខាងមុន Audi សង្សឹមថាការលក់នឹងកើនឡើង 44% បន្ថែមទៀត៕
អត្ថបទដោយ៖ ព្រឹម ភក្តី