យ៉ាងណាមិញអ្នកជំនាញ Apple ក៏បានប្រាប់ពីមុខងារមួយចំនួនដែលអ្នកប្រើប្រាស់ iPhone គួរដឹងព្រោះមនុស្សជាច្រើនបានមើលរំលងនូវបញ្ហាទាំងនេះ និងរឿងរ៉ាវខ្លះទៀតក៏បណ្តាលឲ្យមានហានិភ័យដល់អ្នកប្រើប្រាស់ផងដែរដូច្នេះកុំចាំយូរអាចមកស្វែងយល់ពីមុខងារទាំង៣នេះបាន។
•    មុខងារ WiFi និង Bluetooth: សម្រាប់មុខងារនេះគឺជាមុខងារសំខាន់មួយ ដែលអ្នកប្រើប្រាស់ទូរស័ព្ទមិនអាចជៀសបាន ដោយសាតែមុខងារ WiFi គឺសម្រាប់ដំណើរការអុិនធឺណេតអាចឲ្យអ្នកប្រើប្រាស់លេងបណ្តាញសង្គម ទំនាក់ទំនងគ្នាតាមអនឡាញ ការសិក្សា ការងារ ការធ្វើអជីវកម្មជាដើម ជាពិសេសទៅដល់កន្លែងណាក៏មាននូវប្រព័ន្ធ WiFi នេះដែរ។ មុខងា Bluetooth គឺប្រើសម្រាប់ភ្ជាប់ពី Device មួយទៅ Device មួយទៀតដូចជា ការភ្ជាប់ទៅនឹងកាស Bluetooth, បាស ឬ Speaker, ទូរស័ព្ទទៅនឹង Pc, និងផ្សេងៗទៀតដែលអាចភ្ជាប់ពីរបស់មួយទៅរបស់មួយទៀត។ ដូច្នេះអ្នកប្រើប្រាស់ភាគច្រើនបានបើកមុខងារទាំងពីរនេះចោលតាមទីសាធារណៈដោយមិនដឹងខ្លួន ក្នុងករណីនេះក្រុម Hacker ពិតជាងាយស្រួលបន្លំចូលយកទិន្នន័យក្នុងទូរស័ព្ទអ្នកប្រើប្រាស់បានយ៉ាងរហ័សតាមរយៈការភ្ជាប់ System Hacker ជាមួយការបើកការកំណត់របស់អ្នកប្រើប្រាស់ហើយនៅពេលដែលប្រព័ន្ធនោះស្វែងរកឃើញព័ត៌មានអ្វីមួយ វានឹងភ្ជាប់ដោយស្វ័យប្រវត្តិ ទោះបីជាម្ចាស់ទូរស័ព្ទមិនបានស្នើសុំឱ្យវាភ្ជាប់ក៏ដោយ នេះគឺជាល្បិចបោកតាមប្រព័ន្ធទីសាធារណៈជាពិសេសអ្នកដែលចូលចិត្តប្រើ WiFi ឬសាកថ្មតាមទីសាធារណៈជាដើម ហើយពួក Hacker ភាគច្រើនតែងមានវត្តនៅកន្លែងសាធារណៈដូចជា៖ ហាងកាហ្វេ បារ និងភោជនីយដ្ឋាន ជាដើម។​ តាមមតិយោបល់ដែលល្អគួរប្រើអុិនធឺណេតផ្ទាល់ខ្លួនល្អជាង និង Bluetooth បើមិនចាំបាច់ប្រើអាចបិទចោលសិនបាន សម្រាប់វិធីបិទដោយអ្នកទាំងអស់គ្នាអាចចូលទៅកាន់ Setting រួចយកពាក្យ Bluetooth និង WiFi បន្ទាប់មកគ្រាន់តែចុចលើប៊ូតុងបិទរួចជាការស្រេច។ 

•    មុខងារទីតាំង Location Service: សម្រាប់មុខងារនេះគឺអាចបង្ហាញពីទីតាំងដែលយើងកំពុងស្ថិតនៅ ទោះយ៉ាងណាក៏ដោយ អ្នកជំនាញបច្ចេកវិទ្យាព្រមានថា ការអនុញ្ញាតឱ្យ Hacker ចូលកម្មវិធីនិងដឹងពីទីតាំងរបស់អ្នកប្រើប្រាស់បានគ្រប់ពេល វាអាចបង្ហាញដល់ពួក Hacker នូវប្រភពព័ត៌មានដ៏មានតម្លៃ ប្រសិនបើពួកគេអាចទទួលបានវាពីទីតាំងរបស់អ្នកប្រើប្រាស់ ជាពិសេសវាបានបង្ហាញពីទីតាំងដែលអ្នកបានភ្ជាប់ទៅលើកម្មវិធីណាមួយដូចជា App បណ្ដាញសង្គម, កុងធនាគារ, Google map និងផ្សេងទៀត  ដោយអ្នកប្រើប្រាស់បានបើកចោលនូវមុខ ងារទីតាំងគ្រប់ពេលវេលាផងដែរ យល់ល្អគួរតែបិទក្រោយពេលប្រើរួចភ្លាមៗឬរើសយកមុខងារ While using app ទើមានសុវត្ថិភាពជាង។ បើមិនចាំបាច់គួរតែបិទវាចោល ដោយចូលទៅកាន់ Setting រួចយកពាក្យ Privacy និងចុចលើពាក្យ Location Service បន្ទាប់មកគ្រាន់តែចុចលើប៊ូតុងបិទរួចជាការស្រេច។ ចំណាំថាការបើក Location ចោលមិនត្រឹមតែអសុវត្ថិភាពនោះទេថែមទាំងធ្វើទូរស័ព្ទកាន់តែចុះថ្ម និងឡើងកម្តៅផងដែរ។ 

•    ចុងក្រោយ App tracker: តើអ្នកធ្លាប់ជឿជាក់ថាទូរស័ព្ទរបស់អ្នកកំពុង 'ស្តាប់' អ្នកដែរឬទេ? ប្រហែលជាអ្នកកំពុងនិយាយអំពីរបស់អ្វីមួយ ហើយបន្ទាប់មកភ្លាមៗរបស់នោះលេចឡើងលើអេក្រង់របស់អ្នកតាមរយៈការអូស Facebook, TikTok, IG, និងបណ្តាញសង្គមផ្សេងៗ។ មូលហេតុនេះគឺដោយសារទូរស័ព្ទរបស់អ្នកកំពុងប្រមូលទិន្នន័យអំពីអ្នកជានិច្ច ហើយកម្មវិធីរបស់អ្នកកំពុងប្រើប្រាស់ទាក់ទងនឹងទិន្នន័យនេះនៅពេលវាបង្កើតសុំណុំឌីជីថលរបស់អ្នក ចាប់ពីលេខសម្គាល់ឧបករណ៍ រហូតដល់ឈ្មោះ និងអាសយដ្ឋានអ៊ីមែលរបស់អ្នក និងព័ត៌មានរបស់អ្នកផ្សេងៗទៀតនៅពេលអ្នកនិយាយរឿងអ្វីមួយ។ ដូច្នេះក្នុងរណីអ្នកទាំងអស់គ្នាមិនស្គាល់នូវវេបសាយណាមួយច្បាស់លាស់គួរតែកុំបំពេញនូវព័ត៌មានខ្លួនចូលទៅ ឬប្រសិនបើអាចគួរតែមាន អាខោន Email មួយដែលដាក់សុវត្ថិភាពខ្ពស់មិនងាយនរណាចូលបាន និងគួរមាន Apple ID មួយផ្ទាល់ខ្លួនជៀសវាងប្រើរបស់គេដែលប្រើតៗគ្នា ដែលអាចឈានដល់ការស្រង់ទិន្នន័យចេញពីកម្មវិធីណាមួយដែលយើងបាន Downlaod លើទូរស័ព្ទរបស់យើង។ 

គូសបញ្ជាក់ផងដែរថាចំណុចទាំងបីនេះបើមិនចាំបាច់ទេគួរតែកុំបើក ជាពិសេសការប្រើនូវមុខងារទាំង៣នេះតាមទីសាធារណៈព្រោះពួក Hacker មានគ្រប់ទីកន្លែងដែលយើងមិនដឹង សម្រាប់អ្នកដែលប្រើទូរស័ព្ទក្រៅពី IOS ក៏អាចអនុវត្តវិធីទាំងនេះបានផងដែរ។ 

អត្ថបទដោយ៖ ងួន ឃុនណា