ដោយយោងទៅតាមបទសម្ភាសន៍រវាង Joanna Stern ដែលជាតំណាងរបស់ The Wall Street Journal ជាមួយនឹងលោក​ Greg Joswiak ដែលជាអនុប្រធានជាន់ខ្ពស់ផ្នែកទីផ្សាទូទាំងពិភពលោក​របស់​ Apple និងលោក​ Craig Federighi ជាអនុប្រធានជាន់ខ្ពស់ផ្នែក Software Engineering របស់ Appl បានធ្វើការពិភាក្សាដេញដោលគ្នាទៅលើបញ្ហាមួយនេះ ហើយលោក​ Greg Joswiak ក៏បានលើកឡើងផងដែថា វាគ្មានជម្រើសអ្វីផ្សេងទេ។

Apple’s Craig Federighi and Greg Joswiak (@gregjoz) join @JoannaStern at #WSJTechLive to discuss products, privacy and power at the tech giant https://t.co/fNo2JGwMB4 https://t.co/aGrTlZrUo4

ក្នុងបទសម្ភាសន៍នោះផងដែរ តំណាងរបស់​ Apple ក៏បានធ្វើការពន្យល់បន្ថែមផងដែរថា​ បច្ចុប្បន្ននេះ USB-C និង រន្ធសាកប្រភេទ Lightning គឺកំពុងតែមានអ្នកប្រើរាប់ពាន់លាននាក់ទៅហើយក្នុងពិភពលោកនេះ ហើយកន្លងមក Apple ក៏បានដាក់ USB-C ឱ្យប្រើដែរ ដោយយើងប្រហែលជាធ្លាប់ឃើញហើយខ្សែសាកដែលម្ខាងជាប្រភេទ Lightning និង ម្ខាងទៀតជាប្រភេទ USB-C ក៏ដូចជា​ USB-A ជាដើម។

លើសពីនេះទៅទៀត អនុប្រធានជាន់ខ្ពស់ផ្នែកទីផ្សារលោក Joswiak ក៏បានបន្ថែមថា តាមពិតទៅខាងសហភាពអ៊ឺរ៉ុបគឺបានកំណត់ពេលវេលារួចមកហើយទៅលើក្រុមហ៊ុនបច្ចេកវិទ្យាដែលផលិតទូរស័ព្ទក៏ដូចជា Tablet ផ្សេងៗគឺត្រូវតែប្តូរទៅប្រើ USB-C នៅឆ្នាំ2024ខាងមុខនេះ។ បុន្តែលោក Joswiak ក៏បានបដិសេធចំពោះការផលិតទូរស័ព្ទដែលមាន​ USB-C នេះនៅក្រៅទឹកដីអ៊ឺរ៉ុបផងដែរ។

យ៉ាងណាមិញជាមួយនឹងការយល់ព្រមតាមសំណើររបស់សហភាពអ៊ឺរ៉ុបប្តូរទៅប្រើ USB-C នេះគឺ លោក Joswiak មានការព្រួយបារម្ភចំពោះបរិស្ថានដែលជាការខ្ចះខ្ចាយកាកសំណល់សម្ភារៈអេឡិចត្រូនិចឬហៅថា e-waste នោះ។

សម្រាប់អ្នកទាំងអស់គ្នាវិញ គិតយ៉ាងណាដែរ? គិតថា Apple និងដាក់ USB-C ជាមួយនឹង iPhone 15 នៅឆ្នាក្រោយដែរទេ?

អត្ថបទដោយ៖ រិន មករា