កាន់ងាយស្រួល! ផ្លូវល្បឿនលឿនបង្កើតគន្លងANPRថ្មី​ត្រង់ច្រកចេញ-ចូល មិនបាច់រង់ចាំយូរ ចូលភ្លាមចេញភ្លែត ​​ ​​​​
Pheakdey Prem
DECEMBER 8 2022
យានយន្ត
912 views
3 mins read

ដើម្បី​បញ្ជៀស​​នូវ​ការ​ស្ទះ​​​​ត្រង់​​​​​​ច្រក​ ចេញ​-ចូល​​​ទាំង​​៨​ ក្នុង​ឱ​កាស​​​ពិធី​បុណ្យ​សមុទ្រ ដោយ​ធ្វើ​ឡើង​ខេត្ត​​ព្រះ​សីហនុ​​​ ​នៅថ្ងៃទី​ ៩ ១០ និង​១១ ខែ​ធ្នូ​ ឆ្នាំ​២០២២  ​​​​​​ក្រុម​ហ៊ុន​​ផ្លូវល្បឿន​​លឿន​ ភ្នំពេញ​-ព្រះ​សីហនុ​ បាន​បង្កើត​​នូវ​​​គន្លង​​<ANPR> ថ្មី ​មិន​ចាំបាច់​​​​​​​​​មាន​កាតឬ​ឧបករណ៍​​ជំនួយ​​ មិន​ចាំបាច់​​​​​អង្គុយ​រងចាំ​​​បង់​ប្រាក់ឡើយ​ គ្រាន់​តែ​បញ្ចូល​​​ទឹក​ប្រាក់តាម​ផ្លាកលេខ​​​ ​​​​​​​​​​តែប៉ុណ្ណោះ ។​

316270711 460616376249362 103185676323729271 N

 យោង​តាម​ការ​​​ចេញ​​ផ្សា​យ​​​ពី​​​​ក្រសួង​សាធារ​ណ៍ការ​ និង​ដឹក​ជញ្ជូន​ បាន​ឲ្យ​ដឹង​ថា​​ ​​​​​​ក្រុម​ហ៊ុន​​​​​ផ្លូវ​ល្បឿន​លឿន​​ ភ្នំពេញ​-ព្រះ​សីហនុ​​ ទើបតែ​បង្កើត​​នូវ​គន្លង​​ច្រក​​ចេញ​ចូល​ថ្មី​ឈ្មោះ​ថា​ ANPR ​​​​ដែល​អនុញ្ញាត​​​​​​​​​ឲ្យ​គ្រប់​យានយន្ត​​ទាំងអស់​​​​​​ចេញ​ចូលលឿន​រហ័ស​​ ​ដោយ​គ្រាន់​តែ​បង់​ប្រាក់​​​​​តាម​ផ្លាកលេខយានយន្ត​របស់​អ្នក​​ ​​តាម​រយ:​​​ធនាគារ​​​ណា​​​​ដែល​​អ្នក​ពេញ​ចិត្ត​។ នៅ​ពេល​ដែល​លោក​អ្នក​ឡើង​ផ្លូវ​ល្បឿនលឿន​​ ​​​ឆ្លង​កាត់​​គន្លង​​ ANPR ​ពេល​​នោះ​​​​​​គេនឹងមាន​ឧ​បករណ៍​​ស្កេន​​ផ្លាក​លេខ​​ ​​​​​​រួច​កាត់​​ទឹក​ប្រាក់​​ទៅ​តាម​​​​​​ចម្ងាយ​ផ្លូវ​​ដែល​អ្នក​បានធ្វើ​ដំណើរ​​។​

​​​​សម្រាប់​វិធី​​​ក្នុង​ការ​បញ្ជូ​ល​​ទឹក​ប្រាក់​​​​​ទៅនៅក្នុង​ផ្លាកលេខ​​​ ​​​​​​​​​៖

​ទី​១​ ៖ ស្កេន​ QR ​នេះ​

316534685 460616359582697 1015760392204800564 N

​ទី​២​៖ ជ្រើស​រើស​​​​វិធី​បង់​​​ប្រាក់​តាម​រយ:ធនាគារ​​​​​​ដែល​លោក​អ្នក​​កំពុង​តែ​ប្រើ​ប្រាស់​​

317934735 460616576249342 2311304939648488681 N

​ទី៣​ ៖ ​វាយបញ្ចូល​​​​​​​​ប្រភេទ​ផ្លាក​លេខ​ ឧទាហរណ៍​៖ កម្ពុជា ​​កណ្ដាល​ ភ្នំពេញ​ ​​តាកែវ​ ​កំពង់​ស្ពឺ​ ​ជាដើម

ទី៤៖ ​​​​​​​​​​​វាយ​បញ្ចូល​​ផ្លាកលេខ​​យានយន្ត​​​​ ​​អក្សរ​ និង​លេខ​

ទី៥៖ វាយ​​​​បញ្ចូល​ទឹក​ប្រាក់​ដែ​ល​អ្នក​​​​ចង់​​​​​​​​តម្កល់​ទុក​​​សម្រាប់​ប្រើ​ប្រាស់​​​លើ​ផ្លូវល្បឿនលឿន​

Photo 2022 12 08 10 52 01

​គួរ​រំលឹក​ផងដែរ​​ថា​ ​​សម្រាប់​​​​​​​​​​​​ច្រក​ ចេញ​ចូល​លើ​ផ្លូវល្បឿន​លឿន ភ្នំពេញ​-ព្រះ​​សីហនុ​ ​​​​កាល​ពី​មុន​​មាន​ ​គន្លង​​តែ​ ២​ទេ គឺ​ គន្លង​ MTC (⬇️) និង​ គន្លង​​ ETC ​ប៉ុន្តែ​បច្ចុប្បន្ន​នេះ​គឺ​មាន​ គន្លង​ថ្មី​មួយ​ទៀតគឺ​ ANPR​ សរុប​ទាំង​​​​​អស់​​ មាន​គន្លង​​ចំនួន​ ៣ប្រភេទ​​ សម្រាប់ បងប្អូនប្រជាពលរដ្ឋអាចធ្វើដំណើរចេញ-ចូលផ្លូវល្បឿនលឿនកាន់​តែមាន​ភាព​រហ័ស​។

​ទន្ទឹម​នឹងនេះផងដែរ​ បងប្អូនអាចបញ្ចូលសមតុល្យឬ​ទឹកប្រាក់​ ទៅក្នុងផ្លាកលេខសម្គាល់យានយន្តជាមុន តាមកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និងដឹកជញ្ជូន ដែលមានគ្រឹះស្ថានដៃគូ ចំនួន៧ ដូចជា ធនាគារ ជីបម៉ុង(Chip Mong Bank) ធនាគារ អេស៊ីលីដា(ACLEDA Bank) ធនាគារ វឌ្ឍនៈអាស៊ីចំកាត់ (ABA Bank) ធនាគារវីង(Wing Bank) និងធនាគារ វឌ្ឍនៈ(VATTANAC Bank) ធនាគារកាណាឌីយ៉ា(Canadia Bank)និង លីហួរវេរលុយ (LyHour PayPro)។

ជាមួយ​គ្នា​នេះ​ដែរ លោកអ្នកអាចពិនិត្យសមតុល្យទឹកប្រាក់ដែលបានបញ្ចូល ឬនៅសល់ ដោយការស្គែន QR Code នៅលើលតាបត្រត្រួតពិនិត្យលក្ខណៈបច្ចេកទេសយានជំនិះ (ឆៀក) ឬ លតាបត្រអនុញ្ញាតសម្រាប់ទោចក្រយានយន្ត។​

​​សម្រាប់​បងប្អូន​មិន​យល់​ច្បាស់​ពី​​​​​អត្ថន័យ​​គន្លង​​​​​​នីមួយ​ៗនៅ​​​តាម​ច្រក ចេញ​-ចូល​ផ្លូវល្បឿន​លឿន​ សូម​អាន​ខាង​​ក្រោម​៖

* គន្លង MTC (⬇️) តម្រូវឱ្យយកកាត និងបង់សាច់ប្រាក់នៅច្រកចេញ។ ក្នុងករណីមានចរាចរណ៍មមាញឹក លោកអ្នកអាចប្រឈមនឹងការរងចាំយូរនៅច្រកចេញ។

** គន្លង ETC  ជាច្រកអាទិភាព​ មានរបាំងបើកចេញចូលដោយស្វ័យប្រវត្តិ​ នៅខាងឆ្វេងបង្អស់ដែលមានសញ្ញា ETC ។  ដើម្បីប្រើប្រាស់លោកអ្នកត្រូវ៖ ចុះឈ្មោះប្រើប្រាស់ បំពាក់ឧបករណ៍OBUនៅមជ្ឈមណ្ឌល ETC ឬទីតាំងកំណត់ដោយក្រសួង និងបញ្ចូលសមតុល្យតាមផ្លាកលេខមុននឹងប្រើប្រាស់។

*** គន្លង ANPR ថ្មី ជាច្រក អាទិភាពក្នុងការចេញចូល ដែលមានលក្ខណៈសាមញ្ញ។ លោកអ្នកគ្រាន់តែបញ្ជូលសមតុល្យតាមផ្លាកលេខជាមុន និងចេញចូលគន្លងដែលមានសញ្ញា ANPR។ ការប្រើប្រាស់គន្លងនេះ មិនតម្រូវឲ្យយកកាត និងប្រើប្រាស់សាច់ប្រាក់ឡើយ ដោយលោកអ្នកគ្រាន់តែបញ្ចូលសមតុល្យទៅក្នុងផ្លាកលេខជាការស្រេច៕

​អត្ថបទដោយ​​៖ ព្រឹម​ ភក្តី​

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2024 Baksey Media. All Rights Reserved.
Developed by: Technology Cambodia