នេះជា The All New Honda City Rs ដែលកំពុងសាងកេរ្តិ៍នៅស្រុកខ្មែរបានល្អមែនទែន ជាមួយរូបរាងនៃឌីហ្សាញបែបទាម់សម័យ សុវត្ថិភាពខ្ពស់ និងកម្រិត Performance គួរឲ្យចាប់អារម្មណ៍ខ្លាំងមែនទែនទៅលើ ម៉ាស៊ីន i-VTEC ចំណុះ 1.5L អាចផលិតកម្លាំងបានដល់ 89Kw ឬ 119hp និង 6600RPM ប៉ុន្តែកម្រិតនៃការស៊ីសាំងតិចមែនទែន ក្នុង 100km/5L ប៉ុណ្ណោះ បើប្រៀបធៀបជាមួយឡាន Hybrid ដូចជា Toyota Prius អាចថាប្រហាកប្រហែលគ្នាទេ។
Honda City RS ត្រូវបាននាំចូលដោយក្រុមហ៊ុន NCXHonda Cambodia ដែលជាអ្នកចែកចែងផ្តាច់មុខមកកាន់ប្រទេសកម្ពុជា។ ជាក់ស្តែង ឡានប្រភេទ Sedan នេះ ទៅលើប្រព័ន្ធជើងក្រោម មានលក្ខណ:ពិសេសខ្លាំងមែនទែន ដោយត្រូវបានបំពាក់ជាមួយនឹងប៉ូមប្រភេទរឺស័រដោយផ្នែកខាងមុខ MacPherson និងខាងក្រោយ Torsion Beam ផ្អោបជាមួយនឹងយ៉ាន់កង់ទំហំ ១៦អ៊ីញជាប្រភេទអាលុយមីញ៉ូម និងមានប្រព័ន្ធហ្វ្រាំងឌីសមុខក្រោយ អមជាមួយប្រព័ន្ធ ABS ,ប្រព័ន្ធបែកចែកសម្ពាធហ្វ្រាំង EBD និងប្រព័ន្ធទប់លំនឹង VSA ព្រមទាំងប្រព័ន្ធជំនួយឡើងចំណោតជាដើម ដែលធ្វើឲ្យការបើកបរមានសុវត្ថិភាពខ្ពស់គ្រប់ស្ថានភាពផ្លូវ។
អ្វីដែលគួរឲ្យចាប់អារម្មណ៍ជាងនេះទៅទៀត គឺទៅលើកម្រិត Performance របស់ឡាននេះ ត្រូវបានប្រើម៉ាស៊ីនប្រចាំត្រកូលរបស់ Honda គឺ i-VTEC ចំណុះ 1.5L មាន ៤ ស៊ីឡាំង អមជាមួយបច្ចេកវិទ្យា PGM-FI ជួយសន្សំសំចៃទៅលើកម្រិតស៊ីសាំង និងប្រអប់លេខជាប្រភេទអូតូ ៦វគ្គ CVT និង ៧វគ្គលេខដៃដែលបញ្ជាដោយ Paddle Shift ដូចទៅនឹងឡានទំនើបៗដែរ។
ក្រៅតែពីនេះ City ដំណើរការដោយប៉ុងមុខ ឬ FWD ដែលមានការអន្តរគមន៍ពី Drive Mode ចំនួន៣ ដូចជា Eco Mode សម្រាប់បើកនៅក្នុងក្រុង ឬផ្លូវស្ទះ, Normal Mode បើកលើផ្លូវធម្មតា និង Sport Mode សម្រាប់ការបើកវ៉ាជែង ឬត្រូវការប្រើល្បឿនលឿន។
គួរជំរាបផងដែរថា សម្រាប់តម្លៃរបស់ Honda City RS លក់នៅខ្មែរ គឺ ៣១,៩០០ដុល្លារ ជាមួយនឹងការធានារហូតដល់ ៣ឆ្នាំ ឬ ១០ម៉ឺនគីឡូម៉ែត្រ ចំពោះគុណភាពឡានចេញពីរោងចក្រផ្ទាល់៕ អ្នកទាំងអស់គ្នាយល់យ៉ាងណាដែរ ចំពោះ Honda City RS មួយនេះ គិតថាបើមានលុយគ្រប់ ចង់បង់រំលួស ឬទិញដាច់? សុំមតិម្នាក់មួយមក។
អត្ថបទ ៖ ព្រឹម ភក្តី
