លោក ម៉េង ហេង អគ្គនាយកក្រុមហ៊ុន AION Cambodia បានមានប្រសាសន៍ថា រថយន្ត HYPTEC HT LUXURY ជារថយន្តអគ្គិសនីដែលផលិតដោយក្រុមហ៊ុន GAC Group របស់ប្រទេសចិន ហើយក្រុមហ៊ុន AION Cambodia គឺជាក្រុមហ៊ុនតែមួយគត់ដែលទទួលបានសិទ្ធិនាំចូល និងចែកចាយផ្តាច់មុខរថយន្តនេះនៅក្នុងប្រទេសកម្ពុជា។

លោកបានបន្ថែមទៀតថា មូលហេតុដែលក្រុមហ៊ុន AION Cambodia ហ៊ានធានាមួយជីវិតលើរថយន្ត HYPTEC HT LUXURY គឺដោយសារតែក្រុមហ៊ុនមានការធានាច្បាស់លាស់ជូនអតិថិជនដែលចេញពីក្រុមហ៊ុនផ្ទាល់ ព្រមទាំងមានសេវាកម្មបម្រើអតិថិជន ២៤ ម៉ោងលើ ២៤ និង ២៥ ខេត្តក្រុងទូទាំងប្រទេស។ លើសពីនេះ ក្រុមហ៊ុននឹងទទួលខុសត្រូវរាល់ការខូចខាតរថយន្តរបស់អតិថិជនដែលត្រូវធ្វើរហូតដល់រយៈពេល ៤៨ ម៉ោង និងផ្តល់ជូនរថយន្តថ្មីសម្រាប់ប្រើប្រាស់ក្នុងអំឡុងពេលជួសជុល។

មិនតែប៉ុណ្ណោះ ក្រុមហ៊ុន AION Cambodia ក៏មានស្ថានីយ៍សាកថ្មរហូតដល់ទៅ ១៣៨ កន្លែងគ្រប់ខេត្តក្រុង និងទូទាំងប្រទេស ជាមួយនឹងប្រព័ន្ធ (Fast Charge) ដែលអាចសាកបានលឿនបំផុត ដូច្នេះអតិថិជនមិនចាំបាច់បារម្ភរឿងអស់ថ្មពេលកំពុងធ្វើដំណើរនោះទេ។
លើសពីនេះ ក្រុមហ៊ុន AION Cambodia ក៏នឹងធ្វើការទទួលទិញរថយន្ត HYPTEC HT LUXURY វិញគ្រប់ពេលវេលាប្រសិនបើអតិថិជនចង់ឡើងសេរីរថយន្ត ឬចង់លក់វិញ ហើយក្រុមហ៊ុននឹងធ្វើការជូនដោយមិនចំណាយថវិកាសូម្បីតែមួយរៀលក្នុងករណីអតិថិជនមានបញ្ហារថយន្តគាំងឬខូច។

រថយន្តអគ្គិសនី HYPTEC HT LUXURY មានមុខងារពិសេសៗជាច្រើនដូចជា ការការពារបរិស្ថានដោយគ្មាននូវផ្សែងបំពុល និងសំលេងរំខាន បច្ចេកវិទ្យាទំនើបជាមួយនឹងការរចនាម៉ូតទ្វាបើកស្លាប (Gullwing Door) អាចទប់ទល់នឹងទម្ងន់បានប្រាំដង ធានានូវការការពារឆាបឆេះ និងផ្ទុះរថយន្ត អាចរងសម្ពាធទឹកបានយ៉ាងល្អ ប្រព័ន្ធជំនួយដល់អ្នកបើកបរដែលផ្តល់អាទិភាពដល់សុវត្ថិភាពអ្នកដំណើរ និងតម្លៃសមជាមួយនឹងគុណភាព។

សូមបញ្ជាក់ផងដែរថា ក្រុមហ៊ុន AION Cambodia បានទទួលសិទ្ធិផ្តាច់មុខនិងចែកចាយរថយន្ត HYPTEC HT LUXURY តាំងពីថ្ងៃទី០២ ខែធ្នូ ឆ្នាំ២០២៣ រហូតមកដល់សព្វថ្ងៃនេះ ដែលទទួលស្គាល់ពេញសិទ្ធិដោយក្រសួងពាណិជ្ជកម្ម។

បច្ចុប្បន្ននេះ ក្រុមហ៊ុន AION Cambodia មានរថយន្តអគ្គិសនីដាក់លក់នៅលើទីផ្សារចំនួន ៨ ម៉ូដែលដូចជា AION Y PLUS, HYPTECT PREMIUM, AION V LUXURY, AION V PREMIUM, HYPTEC GT, AION ES, AION PLUS PREMIUM និង HYPTEC HT LUXURY ដែលទើបតែនាំចូល។