ai.techostartup.center នេះគឺជាបច្ចេកវិទ្យាទំនើប ឬ វេបសាយ AI ដែលបង្កើតឡើងដោយ មជ្ឈមណ្ឌលបណ្ដុះធុរកិច្ចថ្មី “តេជោ” មានសមត្ថភាពអាចកែអក្ខរាវិរុទ្ធភាសាខ្មែរ និងចម្លងអក្សរពីរូបភាព។ នេះបើយោងតាមការចេញផ្សាយរបស់ Techo Startup នៅថ្ងៃទី១៣ ខែវិច្ឆិកា ឆ្នាំ២០២៣ នេះ។

ប្រភពខាងលើបានឱ្យដឹងថា កម្មវិធីនេះផ្តល់នូវការបង្ហាញពីប្រសិទ្ធភាព និងភាពត្រឹមត្រូវនៃ OCR ក្នុងការទាញយកអក្សរដែលម៉ាស៊ីនអាចអានបានពីរូបភាពឯកសារបញ្ជាក់អត្តសញ្ញាណ ដូចជាអត្តសញ្ញាណប័ណ្ណខ្មែរ ប័ណ្ណបើកបរ និងលិខិតឆ្លងដែន។ ក្រៅពីនេះ ឌីជីថលូបនីយកម្មភាសាខ្មែររបស់យើង មានសមត្ថភាពក្នុងយល់នូវអត្ថន័យ និងដំណើរការនៃភាសាខ្មែរ ហើយអាចធ្វើកិច្ចការដូចជា ការញែកពាក្យពីអត្ថបទភាសាខ្មែរ ការកែតម្រូវលើលំដាប់អក្ខរាវិរុទ្ធប្រកបនៃពាក្យក្នុងភាសាខ្មែរ ការកែតម្រូវពាក្យប្រកបខុស និងការវិភាគអត្ថន័យពាក្យដែលមានន័យស្រដៀងជាដើម។