បច្ចុប្បន្ននេះ ទីផ្សារ AI បង្កើតវីដេអូកំពុងវិវត្តលឿនណាស់ ហើយវីដេអូដែលមើលទៅ "ធម្មជាតិពិតៗស្ទើរតែបន្លំភ្នែកបាន១០០%" តែភាគច្រើនវាក៏ទាមទារនូវបច្ចេកវិទ្យាកម្រិតខ្ពស់ ដែលជាធម្មតាគឺ មិនមានជាគម្រោងឥតគិតថ្លៃ ១០០% នោះទេ។ ទោះជាយ៉ាងណា ក៏មានវេបសាយ និងកម្មវិធីមួយចំនួនដែលផ្តល់នូវ គម្រោងឥតគិតថ្លៃ (Free Plan/Trial) ដែលអនុញ្ញាតឱ្យអ្នកបង្កើតវីដេអូសាកល្បងបាន ហើយវីដេអូទាំងនោះក៏មានគុណភាពល្អផងដែរ។
១./ វេបសាយ Luma AI (Dream Machine)
ទើបតែចេញថ្មី និងអាចបង្កើតវីដេអូមាន រូបវ័ន្តធម្មជាតិ (Realistic Physics) ពិសេសសម្រាប់វីដេអូខ្លីៗ។ ងាយស្រួលប្រើ ដោយគ្រាន់តែវាយ Prompt ចូលប្រអប់ដើម្បីឲ្យ Ai ធ្វើការឲ្យ។
របៀបប្រើប្រាស់ Luma AI
- ចូលទៅកាន់ lumalabs.ai/dream-machine។
- ចុះឈ្មោះ (Sign In) ដោយប្រើ Email ឬ Google Account។
- ចូលទៅកាន់ផ្ទាំងបង្កើត (Create)។
- វាយបញ្ចូលការពណ៌នា (Prompt) ឱ្យលម្អិតអំពីវីដេអូដែលអ្នកចង់បាន (ឧទាហរណ៍៖ រូបភាព ចលនា និងរចនាបថ)។
- ជម្រើស Upload រូបភាព (Image-to-Video) បើអ្នកចង់ឲ្យ AI បំលែងរូបភាពនោះទៅជាវីដេអូមានចលនា។
- ចុចប៊ូតុង "Generate" ឬ "Create"។
- AI នឹងប្រើ Credits ឥតគិតថ្លៃ របស់អ្នកដើម្បីបង្កើតវីដេអូ។
- វីដេអូដែលបានបង្កើតនឹងបង្ហាញនៅក្នុង "My Creations"។
- ចុចលើវីដេអូ ហើយចុច "Download" ដើម្បីរក្សាទុក។
២./ វេបសាយ Runway (Gen-2/Gen-3)
Runway នាំមុខគេក្នុងការបង្កើតវីដេអូ មានចលនា (Motion) និង ស្ថិតស្ថេរ (Consistency) ខ្ពស់។ អាចបង្កើតពីអត្ថបទ, រូបភាព, ឬកែច្នៃពីវីដេអូចាស់ៗ។
របៀបប្រើ Runway
- ចូលវេបសាយ និងចុះឈ្មោះ (Sign In) យក 125 Credits ឥតគិតថ្លៃ។
- ជ្រើសរើស "Gen-3 Alpha" (ឬ Gen-2)។
- Text-to-Video (T2V): វាយបញ្ចូលការពណ៌នា (Prompt) អំពីឈុតឆាក, ប្រធានបទ, និងចលនាកាមេរ៉ា (ឧ. Cinematic shot of a cat running)
- Upload រូបភាព រួចវាយបញ្ចូល Prompt ចលនា (ឧ. Camera slowly pushes in)
- ចុច "Generate" រួចរង់ចាំ
- Download វីដេអូដែលបានបញ្ចប់ (វីដេអូមាន Watermark)។
គូសបញ្ជាក់ផងដែរថា ការប្រើប្រាស់ AI ឲ្យបានត្រឹមត្រូវ និងជៀសវាងការបោកប្រាស់ គឺទាមទារនូវភាពស្មោះត្រង់និងការទទួលខុសត្រូវខ្ពស់។ គោលការណ៍ស្នូលគឺ តម្លាភាព ដោយអ្នកប្រើប្រាស់ត្រូវតែបញ្ជាក់ឲ្យច្បាស់ថា ខ្លឹមសារ ឬលទ្ធផលណាមួយត្រូវបានបង្កើតដោយបច្ចេកវិទ្យា AI ដើម្បីកុំឲ្យបំភាន់ភ្នែកអ្នកដទៃ ឬបោកបញ្ឆោតណាមួយ៕
