​​ប្រ​យ័ត្ន​ខក​ជើង​​​​​​​​​​​​​! ​​ផ្សារ​​​អ៊ី​​​អន​មាន​ជ័យ​(AEON III) ​ប្រកាស​បិទ​បណ្តោះ​​អាសន្ន​​ ​​ដោយ​សារ​បញ្ហាអគ្គិសនី​​
Pheakdey Prem
MARCH 20 2023
អាជីវកម្ម 4.0
405 views
1 min read

​​​​​Breaking News ៖​​ ​​​​​​​​​​​​​​​យោងតា​ម​​​​​សេចក្តី​​ជូន​ដំណឹង​​ពី​​​​​​​ផ្សារ​​ទំនើប​​​​​​​​​អ៊ី​អន​មាន​ជ័យ​ ឬ AEOM Mall Mean Chey បាន​ឲ្យ​ដឹងថា​ ​​​​​​ផ្សារ​​ទំនើប​​ អ៊ីអន​​ម៉ល​​ មាន​ជ័យ​​ នឹងធ្វើ​ការ​​បិទ​​ដំណើរ​​​ការ​​​បណ្តោះ​អាសន្ន​​​​​ថ្ងៃ​នេះ ​​​​ត​ទៅ​ រហូត​ដល់​​មាន​ការ​ជំរាប​ជូន​ដំណឹងម្តង​ទៀត​ ​។​​

​​​​​​​​​សម្រាប់មូល​ហេតុ​​​​​​ដែល​​ឲ្យ​​ផ្សារ​ទំនើប​​អ៊ីអ​ន ម៉ល​ មាន​ជ័យ​​ ឈាន​ដល់​ដំណាក់​កាលប្រកាស​បិទបណ្តោះ​​អាសន្នបែបនេះ​​ គឺ​​​ដោយ​សារ​​តែ​​មាន​បញ្ហា​​​កាត់​ផ្តាច់​នូវប្រព័ន្ធ​អគ្គិសនី​ភ្លាម​ៗ ។​ ហេតុ​ដូចនេះ​ប្រសិន​ជាបងប្អូន​​​​​​​​មាន​​កិច្ច​ការ​ធុរ:សំខាន់​​ ​​ឬ​មាន​​ជើង​ធ្វើដំណើរ​​​​​​​​កម្សាន្ត​នៅផ្សារ​អ៊ីអន​ ម៉ល មាន​ជ័យ​ ​​​​​​មេត្តា​​ផ្អាក់​​ដំណើរ​កម្សាន្ត​​​សិន​ ព្រោះ​​​ផ្សារ​​ទំនើប​​​បាន​ប្រកាស​បិទ​បណ្ណោះ​អាសន្ន​​ ។​ ហើយ​​​​​​​​​រាល់​​​​ការ​​​​​ចេញ​ចូល​ ផ្សារ​ទំនើប​នេះ​ នឹង​មិន​ត្រូវ​អនុញ្ញាត​​ឡើយ​​។

បញ្ជាក់​ ​​សម្រាប់​​​របរ​​អាជីវកម្ម ​តូប​លក់​​ដូរ​​​​​ផ្សេង​ៗ​​​​ ​រួម​ទាំងរោង​​ភាគ​យន្ត​ Major Cineplex Mean Chey ត្រូវ​បាន​​ផ្អាក់​ដំណើរ​ការ​បណ្តោះ​​អាសន្ន​​​​​​​​​​​​ជាមួយ​គ្នា​នឹង​ផ្សារ​ទំនើប​​អ៊ីអន​ ម៉ល​ ​មាន​ជ័យ​ផងដែរ​។

336914843 740695034125625 7051232976047241862 N

គួរ​ជំរាប​ផងដែរ​ថាផ្សារទំនើបអ៊ីអន ម៉ល មានជ័យ នេះមានទីតាំងជាប់បណ្ដោយមហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ)  ស្ថិតនៅក្នុងភូមិសាស្រ្ដ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យបានបើកដំណើរការកាលពីចុងឆ្នាំ២០២២កន្លងទៅ។ ក្រោយបើកដំណើរការ ផ្សារថ្មីនេះក៏បានជាប់ឈ្មោះជាផ្សារទំនើបធំជាងគេនៅកម្ពុជាផងដែរ ដែលមានផ្ទៃក្រឡាលក់រាយរហូតដល់ទៅ ១៧៤០០០ ម៉ែតក្រឡា ខណៈចំណាយថវិកាសាងសង់សរុបចំនួន ២៨៩,៦លានដុល្លារអាមេរិក៕

​អត្ថបទ​ដោយ​៖ ព្រឹម​ ភក្តី​

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2024 Baksey Media. All Rights Reserved.
Developed by: Technology Cambodia