ការស្វែងរកប្រភពធនធានស្រាវជ្រាវត្រឹមត្រូវ អាចជារឿងដែលស្មុគស្មាញបន្តិច ជាពិសេសជាមួយនឹងប្រភពដែលមិនគួរទុកចិត្តដូចជា Wikipedia ដែលល្បីល្បាញ និងងាយស្រួលចូលប្រើនៅលើអ៊ីនធឺណិត។ នេះហើយជាមូលហេតុដែលវាសំខាន់ណាស់ ដែលអ្នកអាចស្វែងរកបាននូវចំណេះដឹងដែលត្រឹមត្រូវ មុននឹងឈានចូលទៅក្នុងដំណើរការដ៏ធំនៃការសរសេរឯកសារស្រាវជ្រាវ។ ដូច្នេះ ចាបខៀវនឹងប្រាប់ពីវេបសាយ ៣ អ្នកមានប្រភពល្អ ច្បាស់លាស់ និងអាចចងក្រងជាអត្ថបទ ឯកសារ ឬនិក្ខេបបទបាន ។
Google Scholar គឺជាម៉ាស៊ីនស្វែងរកដែលត្រូវបានរចនាឡើងជាពិសេសដើម្បីស្វែងរកអក្សរសិល្ប៍បែបសិក្សា ដូចជាអត្ថបទសិក្សា សៀវភៅ និក្ខេបបទ និងច្រើនទៀត។ វាគឺជាឧបករណ៍ឥតគិតថ្លៃសម្រាប់អ្នកស្រាវជ្រាវ អ្នកសិក្សា និងអ្នកប្រាជ្ញ ដើម្បីកំណត់ទីតាំង និងចូលប្រើព័ត៌មានដែលពាក់ព័ន្ធនៅក្នុងមុខវិជ្ជាផ្សេងៗ។ មិនដូចការស្វែងរក Google ទូទៅទេ Google Scholar ផ្តោតលើប្រភព និងខ្លឹមសារសិក្សាដែលច្បាស់លាស់។
Internet Public Library ចូលទៅកាន់បញ្ជីអត្ថបទ ឯកសារ និងរបាយការណ៍សៀវភៅដែលត្រូវបានចងក្រងយ៉ាងល្អិតល្អន់ និងស្រាវជ្រាវយ៉ាងស៊ីជម្រៅបំផុត។ ជាមួយនឹងឃ្លាំងគំរូអត្ថបទ និងប្រធានបទដ៏ធំសម្បើមរបស់ IPL អ្នកប្រាកដជានឹងអាចបង្កើតស្នាដៃដ៏ស៊ីសង្វាក់ លម្អិត និងច្បាស់លាស់សម្រាប់ថ្នាក់មហាវិទ្យាល័យ ឬសាកល។ មិនថាជាបញ្ហាសំខាន់ៗដែលកំពុងញាំញី ឬព្រឹត្តិការណ៍ដ៏គួរឱ្យចាប់អារម្មណ៍ និងស្មុគស្មាញនៃបដិវត្តន៍ក៏ដោយ តែ IPL នឹងបង្ហាញអ្នកឲ្យឃើញទាំងអស់។
ResearchGate គឺជាគេហទំព័របណ្តាញសង្គមដែលប្រើប្រាស់ជាចម្បងដោយអ្នកវិទ្យាសាស្ត្រ និងអ្នកស្រាវជ្រាវ ដើម្បីចែករំលែកឯកសារស្រាវជ្រាវ ភ្ជាប់ទំនាក់ទំនងជាមួយសហសេវិក និងសួរសំណួរ។ វាគឺជាវេទិកាសម្រាប់ការផ្សព្វផ្សាយការស្រាវជ្រាវ ការកសាងបណ្តាញអ្នកជំនាញ និងការសហការលើគម្រោងសិក្សា។
គូសបញ្ជាក់ផងដែរថា អ្នកទាំងអស់គ្នាអាចចូលទៅកាន់វេបសាយទាំង ៣ បានតាមរយៈការ Search លើ Chrome ឬ Google ឬក៏អ្នកទាំងអស់គ្នាអាចចុចលើឈ្មោះវេសាយខាងលើដើម្បីចូលទៅកាន់វេបសាយផ្ទាល់។ ការចូលទៅកាន់ប្រភពព័ត៌មានសិក្សាធិការទាំងនេះដោយផ្ទាល់ នឹងជួយសន្សំសំចៃពេលវេលារបស់អ្នកក្នុងការបំពេញកិច្ចការ (Assignment) របស់អ្នកប្រកបដោយគុណភាពខ្ពស់។
