កាលពីថ្ងៃពុធកន្លងទៅនេះ ខេត្ត Hubei ភាគកណ្ដាលនៃប្រទេសចិន ចាប់ផ្ដើមបង្កើតពពកដោយប្រើសារធាតុ silver iodide ដើម្បីបង្កាត់យកទឹកភ្ញៀង។ សារធាតុ silver iodide នេះមានទំហំប៉ុនបារី ត្រូវបានគេបាញ់ចូលទៅក្នុងពពក ដើម្បីជួយបង្កើតជាគ្រីស្តាល់ទឹកកក។ បន្ទាប់មកគ្រីស្តាល់នោះ នឹងជួយឱ្យពពកបង្កើតជាទឹកភ្ញៀងកាន់តែច្រើន ធ្វើឱ្យសំណើមនៅលើពពកកាន់តែធ្ងន់ រួចទឹកភ្ញៀងនេះនឹងចាប់ផ្ដើមធ្លាប់មក ហើយហូរចូលក្នុងទន្លេយ៉ាងស៊ី។ យ៉ាងណាមិញ ការបង្កាត់ពពកនេះត្រូវបានគេអនុវត្តតាំងពីទសវត្សរ៍ឆ្នាំ ១៩៤០ មកម្ល៉េះ។ 

គូសបញ្ជាក់ថា នាយកដ្ឋានគ្រប់គ្រងគ្នាអាសន្នក្នុងខេត្ត Hubei បាននិយាយកាលពីថ្ងៃច័ន្ទសប្ដាហ៍នេះថា យ៉ាងហោចណាស់មានមនុស្ស ៤.២ លាននាក់នៅក្នុងខេត្តនេះ ត្រូវបានរងផលប៉ះពាល់ដោយគ្រោះរាំងស្ងួតធ្ងន់ធ្ងរចាប់តាំងពីខែមិថុនាមក។ ប្រជាជនជាង ១៥០,០០០ នាក់នៅទីនោះ មានការលំបាក់ក្នុងការប្រើប្រាស់ទឹក ហើយដំណាំងជិត ៤០០,០០០ ហិកតាត្រូវបានខូចខាតដោយសារសីតុណ្ហភាពកម្ដៅខ្ពស់ពេក គូបផ្សំនឹងការរាំងស្ងួតជាដើម។

អត្ថបទដោយ៖ ផែន ផាន់ណា