ទីបំផុតក្រុមហ៊ុន Xiaomi បានបញ្ចេញកំពូលស្មាតហ្វូនរបស់ខ្លួនជាផ្លូវការលើទីផ្សាពិភពលោកហើយ ដោយក្នុងនោះមាន Xiaomi 12, Xiaomi 12 Pro និង Xiaomi 12 X ដោយឡែកសម្រាប់ម៉ូឌែលទាំង3នេះ តម្លៃធូរជាងគេគឺ$650 ហើយតម្លៃថ្លៃជាងគេគឺ $1000 ។
ថ្ងៃនេះផងដែរ Technology Cambodia នឹងនាំអ្នកទាំងអស់គ្នាទៅមើលពីសមត្ថភាពជាមួយនឹងតម្លៃរបស់វាខ្លះៗ ទាំង3ម៉ូឌែលដែលបានរៀបរាប់ខាងលើនេះ។
សម្រាប់ Xiaomi 12 Pro គឺប្រើជាមួយនឹងឈីប Snapdragon 8 Gen 1 SM8450 ដោយមាន RAM 8GB និង Storage 256GB ហើយសម្រាប់ម៉ូឌែលមួយនេះក៏មានប្រភេទ RAM រហូតទៅដល់ 12GB ផងដែរ ហើយសម្រាប់តម្លៃវិញគឺ$999ឡើងទៅ។
ចំពោះ Xiaomi 12 វិញគឺមានតម្លៃរាងធូរថ្លៃជាង 12 Pro បន្តិចពោលគឺសម្រាប់ Base Model ដែលមានទំហំ RAM 8GB និង Storage 128GB តម្លៃចាប់ពី $750 ឡើងទៅ ដោយវាមានជម្រើស2ផ្សេងទៀតគឺ ទំហំ RAM 8GB, Storage 256GB និង RAM 12GB, Storage 256GB សម្រាប់តម្រូវការអ្នកប្រើប្រាស់។
ចុងក្រោយគេគឺ Xiaomi 12 X ដែលម៉ូឌែលស្មាតហ្វូនមួយនេះប្រើប្រាស់ជាមួយនឹងឈីប Snapdragon 870 5G ហើយសម្រាប់ Base Model នេះគឺវាមានទំហំ RAM 8GB និង Storage 128GB ដោយមានតម្លៃចាប់ពី $650 ឡើងទៅ ដោយឡែកសម្រាប់ជម្រើសផ្សេងទៀតគឺមាន Storage 256GB ។
ដូច្នេះសម្រាប់ 3 ម៉ូឌែលនេះគឺមាន3ព័ណ៌សម្រាប់ឱ្យអ្នកទាំងអស់គ្នាក្នុងការជ្រើសរើសគឺព័ណ៌ប្រផេះ(Gray), ព័ណ៌ស្វាយ(Purple), ព័ណ៌ខៀវ(Blue) ។ ហើយបើសិនជាមកដល់ស្រុកខ្មែរតើមានប្រិយមិត្តណាចាប់អារម្មណ័ទេ?
អត្ថបទដោយ៖ រិន មករា
