បច្ចុប្បន្ននេះមានប្រជាជនខ្មែរច្រើនណាស់ ដែលបានជាវបញ្ចប់ Wifi ក្នុងការប្រើអ៊ីនធើណេតប្រចាំថ្ងៃ។ យ៉ាងណាមិញ ក៏មានបញ្ហាមួយចំនួន ដែលភាគច្រើនជួបប្រទះនោះគឺ តំបន់ខ្លះសេវា Wifi ហាក់ដើរយឺត ដែលវាអាចបណ្ដាលមកពីបញ្ហាបច្ចេកទេសមួយចំនួន។ ដើម្បីដោះស្រាយបញ្ហា Wifi ដើរយឺតនេះដែរ Metfone ដែលជាក្រុមហ៊ុនទូរស័ព្ទចល័ត និងជាក្រុមហ៊ុនផ្គត់ផ្គង់ Wifi ដ៏ធំក្នុងប្រទេសកម្ពុជាដែរនោះ បានណែនាំពីវិធី៣យ៉ាង សម្រាប់អ្នកកំពុងជួបបញ្ហា wifi ដំណើរការយឺត។
បើយោងតាមការចេញផ្សាយនៅលើផេកផ្លូវការរបស់ Metfone បានឱ្យដឹងថា “វិធីសាស្ត្រងាយៗ 3 ចំនុចដែលអាចជួយឱ្យការប្រើប្រាស់ Wifi របស់លោកអ្នកកាន់តែងាយស្រួល និងមានល្បឿនលឿនជាងមុន។
- - ដាក់ដុំ Wifi នៅកន្លែងធំទូលាយ (មិនមានអ្វីបាំង)៖ ទីតាំងក្នុងការដាក់ដុំ Wifi ពិតជាសំខាន់ ព្រោះការដែលដាក់នៅកន្លែងដែលមានជញ្ជាំងបាំង ឬក្នុងកន្លែងបិទជិត ល្បឿននៃ Wifi ក៏មានការរាំងស្ទះផងដែរ
- - ធ្វើការប្តូលេខសម្ងាត់ជារឿយៗ៖ ប្រសិនបើលោកអ្នកសង្កេតឃើញថា Wifi របស់លោកអ្នកយឺតជាងមុនអាចសាកល្បងធ្វើការផ្លាសប្តូរលេខសម្ងាត់
- - ប្រើខ្សែ Ethernet៖ ពិសេសសម្រាប់អតិថិជនដែលប្រើប្រាស់កុំព្យូទ័រ ឬទូរទស្សន៍ឆ្លាតវៃផ្សេងៗ ការប្រើប្រាស់ខ្សែ Ethernet ជាជម្រើសល្អបំផុត។”
អាស្រ័យហេតុនេះ សម្រាប់បងប្អូនដែលមាន Wifi ហើយជួយបញ្ហាដើរមិនសូវល្អ អាចអនុវត្តវិធីសាស្ត្រខាងលើនេះបានដោយខ្លួនឯង៕
អត្ថបទដោយ៖ ផែន ផាន់ណា
