ក្រោយបងប្អូនប្រជាពលរដ្ឋមួយចំនួន មានការរអ៊ូរទាំអំពីបញ្ហា ប្រើសេវាអ៊ីនធើណេតខ្សោយ និងខ្លះទៀតឆាប់អស់លុយ ឬចុះលុយប្រើអ៊ីនណេត ថ្ងៃនេះចាបខៀវសូមណែនាំក្រុមហ៊ុនតបណ្ដាញ Wifi ធំៗ នៅខ្មែរ ដែលមានកញ្ចប់សេវាកម្ម ភ្ជាប់អ៊ីនធើណេតតាមផ្ទះតម្លៃសមរម្យ និងទទួលបាន Mbps ល្អ ល្មមប្រើប្រាស់៖
១. Ezecom
គឺជាក្រុមហ៊ុនឈានមុខគេនៅខ្មែរមួយ ដែលផ្ដល់អ៊ីនធើណេតគុណភាព ល្បឿនលឿន ជាមួយកញ្ចប់តម្លៃសមរម្យ ត្រឹមតែ 18$ ក្នុងមួយខែ ជាមួយល្បឿនអ៊ីនធើណេត 30Mbps។ សម្រាប់កញ្ចប់តម្លៃ 18$ គឺជាតម្លៃដែលទាប ប៉ុន្តែប្រសិនបើលោកអ្នកមានអាជីវកម្ម ឬធ្វើការផ្សេងៗទៀត និងត្រូវការ Mbps ច្រើន តម្លៃក៏ប្រែប្រួលទៅតាមនោះដែរ។ ទំនាក់ទំនងសាកសួរព័ត៌មានបន្ថែម 010 723 888។
២. Metfone
ក្រុមហ៊ុនសេវាទូរស័ព្ទចល័ត ឈានមុខគេមួយ ក្នុងប្រទេសកម្ពុជា Metfone ក៏មានសេវាកម្មដំឡើង Wifi តម្លៃត្រឹមតែ 18$ ក្នុងមួយខែ សម្រាប់ល្បឿនអ៊ីនធើណេត 20Mbps ផងដែរ។ សម្រាប់លោកអ្នកដែលចង់សាកសួរព័ត៌មានបន្ថែម សូមទំនាក់ទំនង 097 60 97 097។
៣. Smart
ក្រុមហ៊ុន Smart ក៏មានសេវាកម្មតអ៊ីនធើណេត Smart at Home ក្នុងតម្លៃសមរម្យផងដែរ ដូចជាកញ្ចប់ 12$/1ខែ ទទួលបាន 6Mbps, កញ្ចប់ 15$/1ខែ ទទួលបានល្បឿន 10Mbps, កញ្ចប់ 18$/1ខែ ទទួលបានល្បឿន 15Mbps។ ទំនាក់ទំនងសាកសួរព័ត៌មានបន្ថែម 010 345 710។
៤. Today
សម្រាប់ Wifi របស់ Today គឺលោកអ្នកចំណាយចាប់ពី 19$ ឡើងទៅនឹងទទួលបានល្បឿនរហូតដល់ 66Mbps ជាមួយល្បឿនបន្ថែម 70Mbps ផ្សេងទៀតក្នុងការលេង Facebook, YouTube, TikTok, ហ្គេមក្នុងស្រុក និងវេបសាយជាច្រើនទៀត។
៥. Mekongnet
នៅក្រុមហ៊ុន Mekongnet ក៏មានកញ្ចប់សេវាអ៊ីធើណេតសមរម្យ ដែលយើងអាចប្រើប្រាស់ក្នុងគ្រួសារបាន គឺ 20$ ដោយទទួលបានអ៊ីនធើណេតល្បឿន 50Mbps+។ ព័ត៌មានបន្ថែមសូមទំនាក់ទំនង 015 234 501/ 023 22 66 22។
គូសបញ្ជាក់ថា នៅមានក្រុមហ៊ុនអ៊ីនធើណេតផ្សេងៗទៀត ដែលមានសេវាកម្មអ៊ីនធើណេត ដូចជា Online និង iWcam ជាដើម៕
អត្ថបទដោយ៖ ផែន ផាន់ណា
