ដើម្បីយល់ច្បាស់ពីជំនាញនេះ ចាបខៀវបានសាកសួរទៅកាន់អ្នកជំនាញលើផ្នែក UX UI អំពីទីផ្សារការងារ និងសារ:សំខាន់របស់ជំនាញដ៏មានសក្កានុពលមួយនេះ។ លោកហម ហ៊ី បច្ចុប្បន្នគឺជាអ្នករចនាផលិតផលឌីជីថល ( UX UI Designer ) មានបទពិសោធន៍ ប្រហែល៣ជាងឆ្នាំលើវីស័យនេះបានប្រាប់ក្រុមការងារចាបខៀវយើងថា៖

UX UI Design ជាជំនាញមួយផ្តោតសំខាន់លើការរចនា ផលិតផលឌីជីថល សម្រាប់មនុស្សប្រើប្រាស់ ធ្វើយ៉ាងណាអោយមានភាពងាយស្រួល បើនិយាយអំពីផលិតផលឌីជីថលមានច្រើន តែក្នុងជំនាញ UX UI Design យើងនិយាយតែការរចនា Mobile App និង Web Application ប៉ុណ្ណោះ ។

UX UI Design បានក្លាយជាជំនាញដ៏មានសារ:សំខាន់ នាពេលបច្ចុប្បន្ននេះក៏ដោយសារតែតម្រូវការរបស់មនុស្សក្នុងបដិវត្តឌីជីថល មានការកើនឡើងរហូត 67.5% នាឆ្នាំ 2023 ដែលជាហេតុធ្វើឲ្យ អាជីវកម្មឌីជីថលជាច្រើន លេចរូបរាងឡើងជាបន្តបន្ទាប់ ព្រោះនៅពេលក្រុមហ៊ុនទាំងនោះបង្កើតផលិតឌីជីថលណាមួយសម្រាប់អ្នកប្រើប្រាស់របស់ពួកគេ វាចំាបាច់ណាស់ត្រូវការមនុស្សម្នាក់ដែលមានជំនាញរចនា User Interface ( UI Design ) អោយផលិតផលទាំងនោះមើលទៅមានភាពស្រស់ស្អាត់ និង ងាយស្រួលប្រើប្រាស់ផងដែរ។

តើជំនាញនេះ ទាមទារឲ្យអ្នកសិក្សា ចេះកូដខ្លាំងដែរទេ ឬក៏យ៉ាងណា?

ការងារភាគច្រើនរបស់អ្នករចនា UX UI Design តែងតែមានភាពចម្រូងចម្រាសជាមួយអ្នកសរសេរកូដ ដែលវាអាចកើតឡើងពីការមិនយល់គ្នា ឬ ហេតុផលផ្សេងៗជាច្រើន។ ចាំបាច់ណាស់អ្នករចនា UX UI Design ត្រូវមានចំណេះដឹងកូដ ប៉ុន្តែមិនមែនន័យថាតម្រូវអោយចេះសេសេរកូដដូចអ្នកសរសេរកូដអាជីបនោះទេ យើងគ្រាន់តែសិក្សាខ្លះៗនៃភាសាកូដ ដើម្បីយល់ដឹងពីភាពអាចទៅរួច និង មិនអាចទៅរួចសម្រាប់អ្នកសរសេរកូដគឺបានហើយ ។

ចំពោះទីផ្សារការងារ UX UI បច្ចុប្បន្ននេះ!

UX UI Design កំពុងក្លាយជាជំនាញមានតម្រូវការទីផ្សារខ្លាំងចាប់ពីឆ្នាំ 2022 រហូតដល់ច្ចុប្បន្ននេះ ។ មនុស្សជាច្រើននាំគ្នាស្វែងរកផលិតផល ឬ សេវាកម្មឌីជីថលណាមួយដែលពួកគេសម្លឹងឃើញអំពីភាពងាយស្រួលប្រើប្រាស់ ដើម្បីធ្វើការសម្រេចចិត្តជ្រើសរើសផលិតផលឌីជីថលទាំងនោះមកប្រើ ។

បើសិស្សចង់ចាប់យកជំនាញ UX UI ធ្វើជាជំនាញស្នូលដាក់ក្នុងជីវិត តើគាត់ត្រូវធ្វើបែបណា?

ប្រសិនបើសិស្សនិស្សិត ឬ អ្នកធ្វើការការងារលើវិស័យផ្សេងៗ តែមានបំណងចង់ផ្លាស់ប្តូរអាជីបខ្លួនឯងមកជា UX UI Designer វិញ គឺវាងាយស្រួលទេ ដោយសារជំនាញ UX UI Design រៀនត្រឹមតែរកពេលខ្លីយើងអាចមានសម្មភាពធ្វើការងារបាន។

អ្នកចង់ចាប់ជំនាញនេះជាជំនាញស្នូលសម្រាប់ជីវិត ដំបូងត្រូវស្វែងរក Passion ខ្លូនឯងអោយឃើញ ព្រោះជួលកាលអ្វីដែលយើងគិតថាចូលចិត្តក៏មិនប្រាកដថាជា Passionate ខ្លួនយើងនោះដែរ ។ បន្ទាប់ពីយើងអាចស្វែងរកថាខ្លួនឯងចូលចិត្តជំនាញនេះពិតប្រាកដហើយ ចាប់ផ្តើមពីការរកកន្លែងសិក្សាណាដែលមានមាតិការច្បាស់លាស់អាច Guide យើងពីមួយជំហ៊ានៗ ។

ចំពោះជំនាញ UX UI នៅពេលអនាគត​ ជំនាញ UX UI Design នឹងមានតម្រូវការកាន់តែច្រើនទៅៗ សម្រាប់អនាគត ដោយសារកំណើននៃផលិតផលឌីជីថល ( Product Digital ) មានការកើនឡើងជាបន្តបន្ទាប់ពីមួយថ្ងៃទៅមួយថ្ងៃ ជាហេតុផលដែលដែលម្ចាស់អាជីវកម្មឌីជីថលទាំងនោះ ត្រូវការអ្នកដែលមានជំនាញ UX UI Design មករចនាផលិតផលរបស់ពួកគេអោយមានការងាយស្រួលសម្រាប់អថិតិជនដែលប្រើប្រាស់។

គូសបញ្ជាក់ថា ហម ហ៊ី ជាអ្នករចនាផលិតផលឌីជីថល ( UX UI Designer ) ដែលមានបទពិសោធន៍ ប្រហែល៣ជាងឆ្នាំលើវីស័យនេះ តែកន្លងមកលោកគឺជានិស្សិតរៀនជំនាញកអប់រំទេ ប៉ុន្តែលោកបានបោះបង់ការសិក្សានៅឆ្នាំជិតចូលឆ្នាំទី 3 មកជ្រើសរើសជំនាញ Computer Graphic & Design នៅសាលា It Step Academy Cambodia ពេញម៉ោង ។ បទពិសោធន៍ការងាររបស់លោកភាគច្រើនធ្វើលើ Blockhain Tourism E-commece និង Banking រយពេលខ្លី ។ តែពេលបច្ចុប្បន្នការងារពេញម៉ោងរបស់ខ្ញុំ ជាអ្នករចនា UX UI ឯករាជ្យ ជាគ្រូបង្រៀនតាមវិទ្យាស្ថានផ្សេងៗ ហើយក៏ជាសហស្ថបនិក នឹងជាអ្នកគ្រប់គ្រង់នៅភ្យូឈ័រ.ប៊ីត៕

អត្ថបទដោយ៖ ផែន ផាន់ណា