សម្រាប់អ្នកដែលចូលចិត្តប្រកួតប្រជែងក្នុងវិស័យបច្ចេកវិទ្យា ច្បាស់ជាបានស្គាល់រួចមកហើយ អំពីកម្មវិធីប្រកួតប្រជែងឈ្មោះ Turing Hackathon ដែលជាកម្មវិធីមួយផ្ដល់ឲ្យកាសឲ្យយុវជនចូលរួមប្រកួតគ្នា លើក្នុងបង្កើតស្នាដៃថ្មីលើវិស័យបច្ចេកវិទ្យា ឬឌីជីថល ដូចជា App ឬវេបសាយ ក្នុងន័យមួយដើម្បីជួយកម្ពុជាអភិវឌ្ឍន៍ប្រកបដោយចីរភាព ឬភាពយូរអង្វែង។
ថ្មីៗនេះផេក Techo startup center បានប្រកាសថា កម្មវិធី Turing Hackathon រដូវកាលទី៤ ចាប់ផ្ដើមទទួលពាក្យទៀតហើយ ដោយបេក្ខជនទាំងអស់នឹងតម្រូវឲ្យធ្វើការទំនាក់ទំនងគ្នា ដើម្បីចងក្រងនិងបង្កើតជាក្រុមហើយក្រុមនីមួយៗនឹងសហការគ្នាក្នុងការធ្វើតេស្ដសាកល្បងលើគំនិតអាជីវកម្មរបស់ខ្លួន ដើម្បីបង្កើតឲ្យបានជាគំរូផលិតផល ឬដំណោះស្រាយផ្សេងៗដែលរំលេចពីនវានុវត្តភាព និងសក្តានុពលរបស់ខ្លួនដើម្បីដណ្តើមជ័យលាភី។
សម្រាប់បេក្ខជនដែលមានបំណងចង់ចុះឈ្មោះអាចចូលទៅកាន់លីង https://bit.ly/TuringHackathonCycle រួចធ្វើការបំពេញបែបបទ តាមអ្វីដែលគេបានកំណត់។ ចំពោះការទទួលពាក្យនេះដែរ គឺនឹងត្រូវផុតកំណត់ទទួលពាក្យត្រឹមថ្ងៃទី ៨ ខែ មីនា ឆ្នាំ ២០២៣។ អាស្រ័យហេតុនេះ សូមបងប្អូនមេត្តាជ្រាប និងចុះឈ្មោះប្រកួតឲ្យបានទាន់ពេលវេលា។
រូបភាពកាលពីប្រកួតឆ្នាំ២០២២ កន្លងទៅ៖
អត្ថបទដោយ៖ ផែន ផាន់ណា
