យោងតាម គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ក្រុមហ៊ុន Toyota Tsusho Manufacturing (Cambodia) Co., Ltd. កំពុងតែគ្រោងបង្កើតរោងចក្រផ្គុំតម្លើងរថយន្តតូយ៉ូតូ នៅស្រុកខ្មែរ ជាមួយនឹងទុនវិនិយោគគិតជាទឹកប្រាក់ ៣៦,៧លានដុល្លារសហរដ្ឋអាមេរិក ។
ប្រភពដដែលបានបញ្ជាក់ទៀតថា រោងចក្រដែលគ្រោងនឹងបង្កើតរបស់ Toyota នោះគឺនៅតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ រាជធានីភ្នំពេញ។ មិនតែប៉ុណ្ណោះ ការបង្កើតរោងចក្រនេះទៀតសោទគេបានអះអាងថានឹងបង្កើតការងារគ្រប់ផ្នែកចំនួនប្រមាណ ១៥០នាក់ ។
គួរបញ្ជា្កក់ផងដែរថា មិនត្រឹមតែមានក្រុមហ៊ុន Toyota តែមួយនោះទេដែលចូលខ្លួនមកបង្កើតស្រុកខ្មែរ គឺមានក្រុមហ៊ុនចំនួន ៤ ផ្សេងទៀតសរុបជាទឹកប្រាក់ ៧.៧០៥លានដុល្លារសហរដ្ឋអាមេរិក រួមមាន៖
១. ក្រុមហ៊ុន WCFO (Cambodia) Co., Ltd. គម្រោងបង្កើតរោងចក្រផលិតប្រអប់ និងគ្រឿងបង្គុំផ្សេងៗធ្វើពីលោហៈ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ រាជធានីភ្នំពេញ មានទុនវិនិយោគចំនួន ៣,៨លានដុល្លារអាមេរិក និងបង្កើតការងារបានចំនួនប្រមាណ ១៥០នាក់។
២. Thirty Three Apparels (Cambodia) Co., Ltd. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ រាជធានីភ្នំពេញ មានទុនវិនិយោគចំនួន ២,១ លានដុល្លារអាមេរិក និងបង្កើតការងារបានចំនួនប្រមាណ ៤៥០នាក់។
៣. A & M Clothing Co., Ltd. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ មានទុនវិនិយោគចំនួន ១ លានដុល្លារអាមេរិក និងបង្កើតការងារបានចំនួនប្រមាណ ១០០នាក់។
៤. WCFO ASAMA Co., Ltd. គម្រោងបង្កើតរោងចក្រផលិតគ្រឿងបន្ទាប់បន្សំ សម្រាប់ឧបករណ៍បញ្ជូនទិន្នន័យធ្វើពីប្លាស្ទិក ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ រាជធានីភ្នំពេញ មានទុនវិនិយោគចំនួន ៨០៥ពាន់ដុល្លារអាមេរិក និងបង្កើតការងារបានចំនួនប្រមាណ ១០០នាក់ ៕
អត្ថបទដោយ៖ ព្រឹម ភក្តី