ជាមួយគ្នានេះ លោក ឡុង ឌីម៉ង់ អភិបាលរងអភិបាលខេត្តព្រះ សីហនុ ក៏បានចុះទៅដល់រោចក្រផ្ទាល់ និងបានលើកឡើងដូច្នេះថា “ដើម្បីចូលរួមក្នុងកិច្ចការពារបរិស្ថាន រដ្ឋបាលខេត្តព្រះសីហនុ តែងតែបានសហការគាំទ្រ និងលើកទឹកចិត្តបងប្អូនប្រជាពលរដ្ឋ ចូលរួមរើសយកដប ក៏ដូចជាផលិត ផលផ្លាស្ទិកទាំងអស់ ដែលនៅក្រៅធុងសំរាម ក្រៅទីលានចាក់សំរាម យកមកលក់ជូនក្រុមហ៊ុន ដើម្បីយកទៅកែច្នៃធ្វើជាគ្រឿងសង្ហារឹម សម្រាប់ប្រើប្រាស់ក្នុងគេហដ្ឋាន។

​លោកប្រធានក្រុមហ៊ុនថុនធូថុន បានបញ្ជាក់ថា ក្រុមហ៊ុន ថុនធូថុន បានជួយប្រមូលកាកសំណល់ប្លាស្ទិកគ្រប់ប្រភេទ សរុបប្រមាណ ២០០តោនរៀងរាល់ខែ ហើយកាកសំណល់ដែលត្រូវគេបោះចោលនៅតាមមាត់សមុទ្រ និងក្នុងសមុទ្រ ក្រុមហ៊ុនបានប្រើប្រាស់បច្ចេកវិទ្យា កិនរំលាយប្លាស្ទិកទាំងអស់នោះ ដើម្បីផលិតជាក្តារបន្ទះ ហើយអាចយកទៅធ្វើជាគ្រឿងសង្ហារឹមប្រើប្រាស់ប្រចាំថ្ងៃ ក្នុងគេហដ្ឋានបានថែមទៀតផង ៕”