នាវាមុជទឹក Titan ត្រូវក្រុមអ្នករុករកនៃក្រុមហ៊ុន Oceangate បានស្វែងរកឃើញបំណែកនាវាដែលបានផ្ទុះ ម្ដងបន្តិចៗពីក្នុងបាតសមុទ្រ រហូលមកទល់ម៉ោងនេះ បានរកឃើញទាំងដុំសាច់នៃសរីរាង្គខ្លះរបស់អ្នកទេសចរណ៍ ដែលធ្វើដំណើរទៅមើលខ្មោចកប៉ាល់ទីតានិកនោះផងដែរ។ សម្រាប់ការយកបំណែកនាវាមកលើគោកនេះ ក្រុមអ្នកស៊ើបអង្កេតសោកនាដកម្មនៃនាវា Titan នឹងផ្គុំវាឡើងវិញ ដើម្បីស្វែងរកមើលហេតុនៅពីក្រោយបញ្ហាផ្ទុះនេះ។

លោក Tom Maddox នាយកប្រតិបត្តិនៅ Underwater Investigators បានប្រាប់ប្រភពខាងលើបន្ថែមថា “ពួកយើងមានការសង្ស័យថា ការផ្ទុះនេះវានឹងធ្វើឱ្យបែកការនូវបំណែកវានាមួយចំនួន ជាពិសេសគឺផ្នែកដែលមិនមានធាតុ ទីតានីញ៉ូម ដូច្នេះវានឹងធ្វើឱ្យការស៊ើបអង្កេតកាន់តែពិបាកធ្វើទៅបានណាស់។”

គូសបញ្ជាក់ថាកាលពីពេលថ្មីៗនេះក្រុមអ្នករុករកបានប្រទះឃើញនូវបំណែកជាច្រើនដូចជា ខ្សែភ្លើង និងខ្សែ ផ្នែកខាងមុខនេះនៃនាវា និងប្រព័ន្ធខាងក្នុងផ្សេងទៀតរបស់ Titan៕

អត្ថបទដោយ៖ ផែន ផាន់ណា