យោងតាមខ្លឹមសារដែលចេញផ្សាយដោយទីភ្នាក់ងារសារព័ត៌មាន Reuters បានឱ្យដឹងថា តៃវ៉ាន់គឺជាផ្ទះរបស់ក្រុមហ៊ុនបច្ចេកវិទ្យា ឬក្រុមហ៊ុនផលិតគ្រឿងអេឡិចត្រូនិក ក្នុងកិច្ចសន្យារបស់ពិភពលោក Taiwan Semiconductor Manufacturing Co Ltd (TSMC) (2330.TW) និងក្រុមហ៊ុន​ Peer United Microelectronics Corp (UMC) (2303.TW) ។ យ៉ាងណាមិញបន្ទាប់ពីស្ថានការណ៍ដ៏ក្ដៅគគុកនៅកោះតៃវ៉ាន់ពេលនេះ បានបណ្ដាលឱ្យភាគហ៊ុនរបស់ក្រុមហ៊ុនទាំងពីរខាងលើមានការធ្លាក់ចុះ ២.៤% និង ៣% រៀងគ្នា។

មិនត្រឹមតែក្រុមហ៊ុនពីរខាងលើនេះទេ សូម្បីតែភាគហ៊ុនរបស់តៃវ៉ាន់ (.TWII) ក៏បានធ្លាក់ចុះ 1.6% ដែលជាការធ្លាក់ចុះមួយដ៏ធំក្នុងរយៈពេល៣សប្ដាហ៍ចុងក្រោយនេះ។ ដោយឡែកភាគហ៊ុនបន្ទះឈីបរបស់សហរដ្ឋអាមេរិក រួមមាន Nvidia Corp (NVDA.O) , Intel Corp (INTC.O) , Qualcomm (QCOM.O) និង Micron Technology Inc (MU.O) បានធ្លាក់ចុះចន្លោះពី 0.7% ទៅ 1.9% ព្រមគ្នាផងដែរ។ ចំណែកនៅអ៊ឺរ៉ុបវិញ ក្រុមហ៊ុន Infineon (IFXGn.DE) បានធ្លាក់ចុះ 1% ខណៈពេលដែលក្រុមហ៊ុនហូឡង់ ASML (ASML.AS) , ASMI (ASMI.AS) និង BESI (BESI.AS) បានធ្លាក់ចុះពី 2% ទៅ 3% ដូចគ្នាដែរ៕