ថ្មីៗនេះ​ Telegram ក៏បានចេញមុខងារថ្មីមួយទៀតដើម្បីជួយសម្រួលដល់អ្នកប្រើប្រាស់ ឬអ្នកដែលមិនចង់ឱ្យពាក់ព័ន្ធជាមួយលេខទូរស័ព្ទប្រើប្រចាំថ្ងៃ ដោយមុខងារនោះគឺអនុញ្ញាតឱ្យអ្នកប្រើប្រាស់អាចធ្វើការភ្ជាប់គណនីដោយមិនមិនប្រើស៊ីមដូចមុនទេ ប៉ុន្តែអាចប្រើប្រាស់ជាមួយនឹងលេខ Online បាន ។

ចំពោះលេខដែល Telegram បញ្ចេញដើម្បីឱ្យភ្ជាប់បាននោះគឺដំណើរការទៅដោយ Blockchain។ ប៉ុន្តែទោះបីជាយ៉ាងណាក៏ដោយលេខក្លែងក្លាយទាំងអស់នោះគឺមិនមែនដាក់យើងភ្ជាប់ដោយមិនគិតថ្លៃនោះទេពោលគឺ ប្រសិនបើអ្នកចង់បានលេខណាមួយយកមកភ្ជាប់គឺតម្រូវឱ្យអ្នកចំណាយលុយដើម្បីទិញវាតាមរយៈ​ Fragment platform ហើយចំពោះតម្លៃគឺខុសគ្នាទៅតាមប្រភេទលេខនីមួយៗ។

យ៉ាងណាមិញប្រសិនបើអ្នកទាំងអស់គ្នាចង់រក្សាសុវត្ថិភាពក្នុង Telegram មិនចង់ឱ្យមានការទាញចូលក្រុមផ្តេសផ្តាស ដោយមិនចាំបាច់ប្រើលេខក្លែងក្លាយ អ្នកទាំងអស់គ្នាក៏អាចប្រើប្រាស់វិធីផ្សេងបានដែរពោលគឺ​ធ្វើការលាក់លេខរបស់អ្នកទាំងអស់គ្នាតាមរយៈវិធីសាស្រ្តដែលបានបង្ហាញក្នុងវីដេអូខាងក្រោមនេះ។

អត្ថបទដោយ៖​ រិន មករា