កាលពីសប្ដាហ៍មុន Elon Musk ក៏បានប្រកាសពីភាពជោគជ័យនៃក្រុមហ៊ុន SpaceX ខណៈអ៊ីនធើណេត Starlink របស់លោកឥឡូវអាចមានសមត្ថភាពសាយភាយបានគ្រប់ទ្វីបទាំងអស់ រួមទាំងទ្វីបអង់តាក់ទិកផងដែរ។ បើរំលឹកពីដើមហេតុ ដែលនាំទៅដល់ការចង់ជួយអ៊ីរ៉ង់គឺ “ក្រោយពីបានឃើញពីភាពជោគជ័យរបស់ SpaceX អំពីសមត្ថភាពសាយភាយអ៊ីនធើណេតបានគ្រប់ទ្វីបមក។ ស្រាប់តែមានអ្នកធ្វើការផ្នែកវិទ្យាសាស្ត្រម្នាក់ ដើមកំណើតអ៊ីរ៉ង ឈ្មោះ Erfan Kasraie បានសរសេរសារនៅក្នុង Twitter ផ្ញើជូនយ Elon ជាពិសេស ដើម្បីផ្ដល់សេវាអ៊ីនធើណេតដល់ប្រជាជនអ៊ីរ៉ង់។

ការសរសេរសារនេះ គឺលោក Kasraie មិនមានសង្ឃឹមថា Elon អាចនឹងតបសារលោកទេ។ ប៉ុន្តែរឿងនឹកស្មានមិនដល់មួយបានកើតឡើង ក្រោយ Elon បានឆ្លើយតប ដោយផ្ដល់ក្ដីសង្ឃឹមថា៖ Starlink នឹងធ្វើការស្នើសុំការលើកលែងទណ្ឌកម្ម ក្នុងប្រទេសអ៊ីរ៉ង់ ទើបអាចផ្ដល់អ៊ីនធើណេតជូនបាន ប្រសិនបើទណ្ឌកម្មនោះ មិនទាក់ទងនឹងនុយក្លេអ៊ែររបស់អ៊ីរ៉ង់។ លោកបន្តថា មូលហេតុនៃទណ្ឌកម្មនេះហើយ ទើបធ្វើឱ្យក្រុមហ៊ុនជាច្រើនរបស់អាមេរិក មិនអាចចូលទៅធ្វើអាជីវកម្មរកស៊ី នៅលើទឹកដីប្រទេសអ៊ីរ៉ង់បាន។

គូសបញ្ជាក់ថា កាលពីដើមឆ្នាំ២០២២ លោក Elon Musk បានព្យាយាមជួយផ្គត់ផ្គង់អ៊ីនធើណេត ដល់ប្រទេសអ៊ុយក្រែន ស្របពេលរុស្ស៊ីបើកការវាយប្រហាមក្នុងប្រទេសនេះ។ ទឹកចិត្តដ៏ប្រពៃនេះ បានធ្វើឱ្យប្រជាជនអ៊ីក្រែនគោរពស្រឡាញ់ Elon ក៏ដូចជាអ្នកគាំទ្រលោកជាច្រើននៅលើពិភពលោក។ ឥឡូវលោកចាប់ផ្ដើមផ្ដល់ក្ដីសង្ឃឹមថ្មីមួយទៀត ដល់ប្រទេសអ៊ីរឿងមួយទៀតហើយ។

អត្ថបទដោយ៖ ផែន ផាន់ណា