សម្រាប់អ្នកដែលចូលចិត្តប្រើប្រាស់រូបក្បាច់ ឬរូបលម្អផ្សេងៗ ដើម្បីឱ្យកិច្ចការឌីហ្សាញរបស់ខ្លួនមើលទៅទាក់ចិត្ត ទាក់ភ្នែក ថ្ងៃនេះចាបខៀវសូមណែនាំវេបសាយខ្មែរយើងមួយ ដែលយើងអាចចូលទៅទាញយករូបភាពក្បាច់ខ្មែរ ពិសេសសម្រាប់ការឌីហ្សាញ Poster ភ្ជុំបិណ្ឌ កឋិន អុំទូក ឆ្លងឆ្នាំសកលជាដើម គឺមានមួយចប់ និងអាចយកទៅប្រើដោយឥតគិតថ្លៃ។
វេបសាយ VectorKh.com គឺបង្កើតឡើងដោយកូនខ្មែរ ដោយអនុញ្ញាតឲ្យគ្រប់គ្នា អាចចូលទៅទាញយករូបភាពស្អាតៗជាច្រើន ទាំងហ្វាល់រូបភាព, File Photoshop (យកមកតុបតែងខ្លួនឯង), និង Logo បែបខ្មែរជាច្រើនទម្រង់ទៀត។ បើតាមការបញ្ជាក់ នៅក្នុង File នីមួយៗ គឺរូបភាពក្បាច់ទាំងអស់នោះ លោកអ្នកអាចយកមកប្រើបានដោយឥតគិតថ្លៃ ប៉ុន្តែស្នើសុំកុំឲ្យយកហ្វាល់ដើម ទៅចែកចាយនៅលើបណ្ដាញសង្គមណាមួយនោះទេ។
សម្រាប់អ្នកចង់បានរូបភាពក្បាច់ខ្មែរ ប្រើប្រាស់សម្រាប់ការឌីហ្សាញផ្សេងៗ អាចចូលទៅទាញយកមកប្រើបាន។ មួយវិញទៀត លោកអ្នកក៏អាចចូលរួមបរិច្ចាគថវិកា សម្រាប់ទ្រទ្រង់ការងារទាំងនេះបានផងដែរ ជាមួយ KHQRCode ដែលបង្ហាញនៅលើវេបសាយស្រាប់៕
