«ទិវាជាតិ វិទ្យាសាស្ត្រ បច្ចេកវិទ្យា និងនវានុវត្តន៍» ត្រូវបានរាជរដ្ឋាភិបាលកម្ពុជាអនុម័តជាផ្លូវការកំណត់យកថ្ងៃទី ២៦ ខែមីនា ជារៀងរាល់ឆ្នាំ ហើយក៏ជាព្រឹត្តិការណ៍ដំបូងគេបង្អស់នៅក្នុងប្រវត្តិសាស្ត្រកម្ពុជា ដឹកនាំដោយ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដើម្បីសម្រេចបាននូវចក្ខុវិស័យរបស់រាជរដ្ឋាភិបាលកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០ ។
កម្មវិធីសំខាន់ចំនួនបួន នឹងត្រូវរៀបចំចាប់ពីថ្ងៃទី២៦ ដល់ថ្ងៃទី២៨ ខែមីនា ឆ្នាំ២០២៣ដើម្បីអបអរសាទរទិវាជាតិនេះ៖
- ១. ការតាំងបង្ហាញផ្នែកវិទ្យាសាស្ត្រ « Science Caravan » សហការជាមួយក្រសួងឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍ នៃប្រទេសថៃ
- ២. ផ្តល់ពានរង្វាន់ដល់អ្នកវិទ្យាសាស្ត្រឆ្នើមកម្ពុជា
- ៣. ពិព័រណ៍ វ.ប.ន.
- ៤. សិក្ខាសាលា និងជំនួបពិភាក្សាលើផ្នែក វ.ប.ន.
គូសបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នឹងរៀបចំ «ទិវាជាតិ វិទ្យាសាស្ត្រ បច្ចេកវិទ្យា និងនវានុវត្តន៍ លើកទី១» នាថ្ងៃទី២៦ ខែមីនា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៍កោះពេជ្រ។ ស្របពេលជាមួយគ្នានេះ ក្រសួងក៏នឹងរៀបចំ «ពិព័រណ៍វិទ្យាសាស្ត្រ បច្ចេកវិទ្យា និងនវានុវត្តន៍ អន្តរជាតិ-កម្ពុជា លើកទី១ ២០២៣» ចាប់ពីថ្ងៃទី២៦ ដល់ថ្ងៃទី២៨ ខែមីនា ឆ្នាំ២០២៣ ផងដែរ។
កុំឲ្យខកខានថ្ងៃដ៏ពិសេសនេះ យើងទៅទស្សនាទាំងអស់គ្នា!
