ថ្មីៗនេះក្រសួងអប់រំ យុវជន និងកីឡា បានដាក់បង្ហាញពីប្រព័ន្ធ SIS ដែលអាចជួយឲ្យអាណាព្យាបាលសិស្ស អាចតាមដានការសិក្សាកូនតាមបែបឌីជីថល។ ក្រុមការងារប្រព័ន្ធគ្រប់គ្រងសាលារៀន SIS បាននឹងកំពុងធ្វើការយ៉ាងសកម្មក្នុងការផ្សព្វផ្សាយអំពីអត្ថប្រយោជន៍នៃប្រព័ន្ធ SIS ទៅកាន់អាណាព្យាបាលនៅតាមសាលារៀនគោលដៅនៅទូទាំង ២៤ ខេត្ត/ក្រុង ក្នុងប្រទេសកម្ពុជា។
ប្រព័ន្ធ SIS មិនត្រឹមតែជាប្រព័ន្ធដែលជួយសម្រួលកិច្ចការគ្រប់គ្រងសាលារៀន ការរៀននិងបង្រៀនតាមបែបឌីជីថលសម្រាប់លោកគ្រូ អ្នកគ្រូ និងសិស្សានុសិស្សប៉ុណ្ណោះទេ ប៉ុន្តែប្រព័ន្ធ SIS ក៏បានផ្ដល់នៅអត្ថប្រយោជន៍សម្រាប់អាណាព្យាបាលគ្រប់រូប ក្នុងការតាមដានការសិក្សារបស់កូនៗតាមបែបឌីជីថលដូចជា៖
- ពិនិត្យមើលនិងស្នើរសុំកែព័ត៌មានផ្ទាល់ខ្លួន និង ព័ត៌មានសិស្សដូចជាឈ្មោះ ថ្ងៃខែកំណើត អាស័យដ្ឋាន ជាដើម
- ពិនិត្យមើលវត្តមានសិក្សារបស់កូនៗ
- ពិនិត្យមើលកាលវិភាគសិក្សា និងកាលវិភាគប្រឡង
- ពិនិត្យមើលលទ្ធផលពិន្ទុតាមមុខវិជ្ជានីមួយៗ និងចំណាត់ថ្នាក់ប្រចាំខែ
- ស្នើរសុំច្បាប់ឈប់សម្រាកសម្រាប់កូនៗ
- ទទួលបានការជូនដំណឹងពីសាលារៀនតាមរយៈការផ្ញើសារ និងកម្មវិធីទូរស័ព្ទ
- ងាយស្រួលទំនាក់ទំនងជាមួយសាលារៀន និងគ្រូបង្រៀន
ជាលទ្ធផលក្រុមការងារ SIS បានធ្វើការផ្សព្ធផ្សាយអំពីអត្ថប្រយោជន៍នៃមុខងារនីមួយៗក្នុងប្រព័ន្ធ SIS និង បង្កើតគណនីជូនអាណាព្យាលដែលបាលទាំងអស់ផងដែរ ដែលអាចអនុញ្ញាតអោយអាណាព្យាបាលទាំងអស់អាចធ្វើការតាមដានការសិក្សារបស់កូនៗតាមទូរសព្ទដៃបានយ៉ាងងាយស្រួល។
