ទោះជាយ៉ាងណាក៏ដោយ ទិន្នន័យទាំងនេះ នៅតែមិនទាន់ត្រូវបានប្រើប្រាស់យ៉ាងទូលំទូលាយសម្រាប់ការត្រួតពិនិត្យបរិស្ថាន ការប្រើប្រាស់ជាទូទៅនៅកម្ពុជា។ នៅឆ្នាំ 2022 ការបង្កើតមន្ទីរពិសោធន៍ខ្មែរសម្រាប់ ការសង្កេតផែនដី (Khmer: Earth Observation Laboratory – KHEOBS) នៅវិទ្យាស្ថាន បច្ចេកវិទ្យាកម្ពុជា (សាលាតិចណូ) គឺក្នុងគោលបំណងពង្រឹងការប្រើប្រាស់រូបភាព ផ្កាយរណប (Sentinel-1 និង Sentinel-2) ឬរូបភាពពីយន្តហោះនិងការទទួលបានទិន្នន័យនៅកម្ពុជាហើយជាទូទៅគឺវាមានសារប្រយោជន៍ក្នុងវិស័យជាច្រើនដូចជាសម្រាប់ការគ្រប់គ្រង ដីកសិកម្ម ការប្រែប្រួលអាកាសធាតុ ការបាត់បង់ជីវចម្រុះ ការបំពុល និងសូម្បីតែសម្រាប់ការ ត្រួតពិនិត្យថាមវ័ន្តសុខភាព។

វគ្គបណ្តុះបណ្តាលស្តីពីការគូរផែនទី (គម្របដី) ដោយប្រើរូបភាពពីយន្តហោះនៅទសវត្សរ៍ ឆ្នាំ 1950 ត្រូវបានផ្ដល់ដោយ IGNFL ចាប់ពីថ្ងៃទី 30 ខែតុលា ដល់ថ្ងៃទី 8 ខែវិច្ឆិកា ឆ្នាំ 2023 (គម្រោង FSPI-R KAPA)។

មន្ទីរពិសោធន៍ - KHEOBS អាចសង្កេតមើលផ្ទៃទឹក (ជាអចិន្ត្រៃយ៍ ឬជន់លិចទៀងទាត់) ក៏ដូចជាសំណើមដី និងគម្របដីបានមកពីរូបភាពផ្កាយរណប Sentinel-2 រៀងរាល់ 5 ថ្ងៃម្តង ដោយប្រើវីធីសាស្ត្រការសិក្សាស៊ីជម្រៅ(Deep learning) /ឬបច្ចេកវិទ្យាម៉ាស៊ីនស្វ័យសិក្សា (Machine, learning)។ លើសពីនេះទៀត មន្ទីរពិសោធន៍ KHEOBS អាចផ្តល់វគ្គបណ្តុះបណ្តាលអំពីមូលដ្ឋានគ្រឹះ និង វីធីសាស្ត្រវាស់វែងរូបភាព SAR . រួមបញ្ចូលគ្នាជាមួយនឹងរូបភាពអុបទិកសម្រាប់សិក្សាពីផលវិទ្យានៃបឹងទន្លេសាប ពី ការប្រើប្រាស់ដី និងការផ្លាស់ប្តូរគម្របដី។ ដោយទទួលបានអត្ថប្រយោជន៍ពីការគាំទ្រពី ស្ថាប័ន និងហេដ្ឋារចនាសម្ព័ន្ធរបស់បារាំង (IR UMR Espace-Dev) មន្ទីរពិសោធន៍ KHEOBSអាចប្រមូលផ្តុំអ្នកវិទ្យាសាស្ត្រនិងនិស្សិតមកពីសាកលវិទ្យាល័យនិងស្ថាប័ននានា ក្នុងប្រទេសកម្ពុជារួចជាស្រេចក្នុងក្របខ័ណ្ឌនៃសិក្ខាសាលាបណ្តុះបណ្តាលតាមប្រធានបទ។

នៅឆ្នាំ 202 គម្រោង EASIMES និង AfriCam បានផ្តល់ហិរញ្ញប្បទានដល់ មន្ទីរពិសោធន៍ KHEOBS សម្រាប់ការទិញសេវូបករណ៍ដ៏មានអានុភាពជាមួយនឹងទំហំ ផ្ទុក 120 TB (តេរ៉ាបៃ) ដើម្បីបង្កើនការផ្ទុកទិន្នន័យ និងសមត្ថភាពកុំព្យូទ័រនៅសាលាតិ ចណូ។ ការដំឡើង Sen2Chain និង Sen2Extract ដែលបង្កើតឡើងដោយ IRD UMR Espace-Dev គឺដើម្បីផលិតអនុក្រមពេលវេលា (Time series) ដោយស្វ័យប្រវត្តិ សម្រាប់សន្ទស្សន៍រុក្ខជាតិ និងទឹកពីរូបភាព Sentinel-2 រៀងរាល់ 5 ថ្ងៃម្តង។ ការដំឡើង iota2 គឺដើម្បីធ្វើស្វ័យប្រវត្តិកម្មគូសផែនទីគម្របដី (ប្រចាំឆ្នាំ) នៃបឹងទន្លេសាប។ វត្ថុវលីនៃផលិតផលផែនដីនឹងត្រូវបានបង្កើតឡើងសម្រាប់ការប្រើប្រាស់ដ៏ងាយស្រួលដោយសាលាតិចណូ និងដៃគូរបស់ខ្លួន។

ទស្សនវិស័យរបស់មន្ទីរពិសោធន៍ KHEOBS ផ្ដោតលើការអភិវឌ្ឍន៍បណ្ដាញដូចជា៖

• ១)សម្រួលដល់ការចូលប្រើរូបភាពផ្កាយរណបដែលមានគុណភាខ្ពស់ដោយភ្ជាប់ជាមួយ គ្រឿងបរិក្ខា DINAMIS Facility របស់បារាំង និងបណ្ដាញ Theia GeoDev
• ២) បង្កើតអន្តរកម្មសម្រាប់ការបណ្តុះបណ្តាល និងការអភិវឌ្ឍន៍ជាមួយស្ថានីយ៍ទទួល រូបភាពផ្កាយរណប SEAS-Ol និង SEAS Guyane ដែលត្រូវបានតភ្ជាប់ទៅ IRD UMR Espace-Dev
• ៣) អាចបង្កើតកិច្ចសហការក្នុងតំបន់ជាមួយទីភ្នាក់ងារអវកាសថៃ GISTDA ៤) ជំរុញអន្តរកម្មរវាងសាកលវិទ្យាល័យ និងក្រសួងនានាផងដែរ ដែលពាក់ព័ន្ធនឹង ការវិភាគរូបភាពផ្កាយរណប ឬរូបភាពពីយន្តហោះនៅក្នុងប្រទេសកម្ពុជា និង ៥) រៀបចំសិក្ខាសាលាប្រចាំឆ្នាំនៅកម្ពុជាជាមួយអ្នកជំនាញបារាំង និងដៃគូ៕”