បើយោងតាមផេកផ្លូវការបស់ Royal Railway Cambodia បានឱ្យដឹងថា លោកអ្នកគ្រាន់តែចំណាយត្រឹមតែ ត្រឹមតែ 2000៛ ប៉ុណ្ណោះនៅចុងសប្តាហ៍មិនបាច់ទៅណាឆ្ងាយ មកទទួលយកបទពិសោធន៍ថ្មីពីការជិះរថភ្លើងលេងកំសាន្ត សម្រាប់ការជិះរថភ្លើងទៅវិញទៅមក ពីស្ថានីយរថភ្លើងភ្នំពេញ ទៅចំណតសំរោង (ពោធិ៍ចិនតុង) និងវិលត្រលប់មកចំណតភ្នំពេញវិញ។
ប្រភពខាងលើបានបញ្ជាក់ថា ប្រូម៉ូសិននេះសម្រាប់ភ្ញៀវដែលបានជាវភេស្ជជៈពីហាងកាហ្វេរថភ្លើងតែប៉ុណ្ណោះ សម្រាប់ភ្ញៀវធម្មតាៈ តម្លៃសំបុត្រ 5000៛/មនុស្សធំ និង 2000៛/កូនក្មេង។ ជាមួយគ្នានេះដែរ ម៉ោងចេញដំណើរនឹងចាប់ផ្ដើមពីម៉ោង 10:00 ព្រឹក និងម៉ោង 14:00 រសៀល សម្រាប់តែថ្ងៃ សៅរ៍ - អាទិត្យ ប៉ុណ្ណោះ។
វិធីនៅក្នុងការទិញ ឬកក់រថភ្លើង ទី១. អាចទៅទិញផ្ទាល់នៅបញ្ជរ តាមស្ថានីយ៍រថភ្លើង និងទី២. អាចខលទៅកាន់ភ្នាក់ងាររបស់ស្ថានីយ៍រថភ្លើងបានតាមរយ:លេខ 078 888 582, 078 888 582 ចំណែករាល់ការកក់សំបុត្រនៅលើអនឡាញ គឺតម្រូវឱ្យអតិថិជនវេរលុយតាមរយ:ធនាគារ Wing តែមួយគត់៕
អត្ថបទដោយ៖ ផែន ផាន់ណា
