ថ្ងៃទី២៤ និង២៥ ខែមីនា ឆ្នាំ២០២៣ ឆាប់ៗខាងមុននេះ នៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោ និងមានការប្រកួតរ៉ូបូតថ្នាក់ជាតិ (Robocon) លើកទី១០ ឆ្នាំ២០២៣ ដោយក្នុងនេះមានចំនួន១២ក្រុម មកពីសាលាចំនួន៧ចូលរួមវគ្គប្រកួតដ៏ពិសេសមួយនេះ។
នៅក្នុងការប្រកួតនេះដែរ គឺមានការចូលរួមពីសាលាចំនួន៧គឺ “AEU, CADT , CamTech, ITC , NPIC, NUM & PPI” ត្រូវផលិតរ៉ូបូតចំនួន២ មកប្រកួតប្រជែងគ្នាលើទីលានដើម្បីដណ្តើមជើងឯកថ្នាក់ជាតិ ក្រោមវិញ្ញាសា «រ៉ូបូតបាចផ្កាទៅលើប្រាសាទអង្គរវត្ត» ។ នេះបើយោងតាមការចេញផ្សាយនៅលើផេក Robocon Cambodia។
គួរជម្រាបផងដែរថា ការប្រកួតប្រជែងរ៉ូបូតថ្នាក់ជាតិ នឹងជ្រើសរើសក្រុមខ្លាំងចំនួន២ ដែលនឹងក្លាយជាក្រុមតំណាងកម្ពុជា ចូលរួមប្រកួតរ៉ូបូតថ្នាក់អន្តរជាតិ នៅចុងខែសីហា។
