បើយោងតាមផេកផ្លូវការរបស់ Robocon បានបង្ហោះខ្លឹមសារ អមនឹងរូបភាពជាច្រើនសន្លឹកថា រ៉ូបូតទាំង១៤ ត្រូវបានរៀបចំចូលក្នុងកេស ដឹកជញ្ជូនចេញពីប្រទេសរបស់ខ្លួន ត្រៀមមកកាន់ប្រទេសកម្ពុជាជាមុន។ ធ្វើដំណើរតាមយន្តហោះអោយស្រួលណា!!! ជួបគ្នានៅថ្ងៃទី26នេះ! មកតែរ៉ូបូតសិន មនុស្សមកតាមក្រោយ!”

គូសបញ្ជាក់ថាសម្រាប់ការប្រកួតដែលនឹងចូលមកដល់ចុងខែនេះ គឺមានប្រទេស និងតំបន់ចូលរួមប្រកួតសរុបទាំងអស់ចំនួន១៣គឺ ប្រទេសកម្ពុជា ចិន អេហ្ស៊ីប ហុងកុង ឥណ្ឌា ឥណ្ឌូនេស៊ី ជប៉ុន ម៉ាឡេស៊ី ម៉ុងហ្គោលី នេប៉ាល់ ស្រីលង្កា វៀតណាម និងប្រទេសថៃ។ ជាមួយគ្នានេះ កម្ពុជាក៏បានរកឃើញជើងឯក Robocon ចំនួន២ក្រុមផងដែរ ដើម្បីឡើងទៅប្រកួតថ្នាក់អន្តរជាតិចុងខែសីហានេះផងដែរ គឺក្រុម ITC02(មកពីវិទ្យាស្ថានបច្ចេកវិទ្យាកម្ពុជា) និងក្រុម NPIC02 (មកពីវិទ្យាស្ថានជាតិពហុបច្ចេកទេសកម្ពុជា)៕