ក្រោយពីកូវីដ១៩ ហាក់ស្ងប់ស្ងាត់បន្តិច ភ្ញៀវទេសចរណ៍ធ្វើដំណើរកំសាន្តទៅលេងប្រទេងប្រទេសថៃ ក៏មានសន្ទុះកើនឡើងបន្តិចម្ដងៗ។ ជាទូទៅយើងពិបាកក្នុងការយកលុយរៀលរបស់ខ្មែរ ទៅចាយនៅលើទឹកដីប្រទេសថៃណាស់ ព្រោះប្រទេសទាំង២ មានរូបិយប័ណ្ណខុសគ្នា។ ប៉ុន្តែឥឡូវនេះ អស់បញ្ហាហើយ ប្រសិនបើលោកអ្នកមានលុយខ្មែរ (៛) ឱ្យតែឃើញ QRCode ទាំងធនាគារទាំង ៤នេះ នៅក្នុងប្រទេសថៃ គឺអាចទូទាត់លុយបានតាមចិត្ត។
សម្រាប់អ្នកដែលមាន App របស់ធនាគារអេស៊ីលីដា គឺយើងអាចទូទាត់តាម QRCode ទៅកាន់ធនាគារក្នុងប្រទេសថៃ ដែលធនាគារអេស៊ីលីដា បានសហការគ្នា ដើម្បីឱ្យអ្នកប្រើ App នេះកាន់តែមានភាពងាយស្រួល។ ធនាគារដែលលោកអ្នកអាចទូទាត់លុយតាមរយៈ QRCode នោះរួចមាន៖
១. Kasikornbank (KBank)
២. Siam Commercial Bank (SCB)
៣. Bangkok Bank
៤. Bank of Ayudhya និងធនាគារផ្សេងៗទៀត នឹងដាក់ឱ្យដំណើរការពេលបន្ទាប់ទៀត។
អាស្រ័យហេតុខាងលើ សម្រាប់បងប្អូនទាំងអស់ ដែលធ្វើដំណើរកំសាន្តទៅកាន់ប្រទេសថៃ តែមិនចង់ដូរលុយរញ៉េរញ៉ៃ អាចស្វែងរកមើល QRCode របស់ធនាគារទាំង៤ខាងលើនេះបាន ដោយយើងអាចផ្ទេរពីប្រាក់រៀល ឬប្រាក់ដុល្លារក៏បាន៕
អត្ថបទដោយ៖ ផែន ផាន់ណា
