នេះគឺជារឿងដែលយើងត្រូវមានការប្រុងប្រយ័ត្នឲ្យបានខ្ពស់ ខណ:ថ្មីនេះមានជនខិលខូច បានប្រើនូវតំណភ្ជាប់ក្លែងក្លាយ ជាទម្រង់សារបោកប្រាស់ ដោយបន្លំខ្លួនថាជាបុគ្គលិករបស់ធនាគារ ABA។ នេះបើយោងតាមការចេញផ្សាយនៅលើផេកផ្លូវការរបស់នាយកដ្ឋានប្រឆាំងបទល្មើសបច្ចេកវិទ្យា
ប្រភពខាងលើបានឲ្យដឹងដូច្នេះថា “សូមប្រុងប្រយ័ត្ន!!! សូមកុំចុចតំណរភ្ជាប់ក្លែងក្លាយ(Phishing Link) នេះគឺជាទម្រង់បោកប្រាស់ ដែលបន្លំខ្លួនជាធនាគារ ABA បញ្ឆោតឲ្យចុចតំណភ្ជាប់ណាមួយហើយលួចយកនូវព័ត៌មានរបស់យើង និងឈានទៅដល់ការគ្រប់គ្រងគណនី ធនាគារ ABA ។
នាយកដ្ឋានប្រឆាំងបទល្មើសបច្ចេកវិទ្យា សូមក្រើនរំលឹកដល់សាធារណៈជនប្រើប្រាស់បណ្តាញសង្គមនានា សូមកុំចុចតំណរភ្ជាប់ទាំងឡាយណាដែលគ្មានប្រភពច្បាស់លាស់ ចៀសវាងការកើតឡើងនូវហនិភ័យផ្សេងៗ៕”