រូបភាពនៃការបោកបញ្ឆោតនៅលើអនឡាញ បានផ្លាស់ប្ដូរជាហូរហែ ផ្សេងៗពីគ្មាន។ ថ្មីៗនេះមានករណីបោកប្រាក់ថ្មី ដោយជ្រកក្រោមស្លាករាជរដ្ឋាភិបាល បញ្ឆោតឲ្យចុចតំណភ្ជាប់ណាមួយហើយលួចយកនូវព័ត៌មានរបស់យើង។ នេះបើយោងតាមការចេញផ្សាយរបស់ នាយកដ្ឋានប្រឆាំងបទល្មើសបច្ចេកវិទ្យា កាលពីថ្ងៃទី១៤ ខែវិច្ឆិកា ឆ្នាំ២០២៣។
ប្រភពខាងលើបានឱ្យដឹងដូច្នេះថា “សូមប្រុងប្រយ័ត្ន!!! Scam Alert! សូមកុំចុចតំណរភ្ជាប់ក្លែងក្លាយ(Phishing Link)។ នេះគឺជាទម្រង់បោកប្រាស់ ដែលបន្លំខ្លួនជារាជរដ្ឋាភិបាល បញ្ឆោតឲ្យចុចតំណភ្ជាប់ណាមួយហើយលួចយកនូវព័ត៌មានរបស់យើង និងឈានទៅដល់ការគ្រប់គ្រងគណនី TELEGRAM
ដើម្បីសុវត្ថិភាព សូមលោកអ្នក កុំចុចលើតំណភ្ជាប់ណាមួយដែលមិនមានប្រភពច្បាស់លាស់ តម្រូវឱ្យយើងបំពេញនូវព័ត៌មានផ្ទាល់ខ្លួនអោយសោះ។”
