លោក Elon Musk បាននិយាយត្រួសៗអំពីគុណសម្បត្តិមួយចំនួនដែលមនុស្សយន្ត Optimus Tesla អាចធ្វើបានដូចជា ធ្វើអាហារឱ្យមនុស្សញ៉ាំ កាត់ស្មៅ មើលថែមនុស្សចាស់ ថែមទាំងអស់ក្លាយជាមិត្តភក្ដិសត្វឆ្មានៅក្នុងផ្ទះយើងបានទៀតផង។

ប្រភពខាងលើបានបញ្ជាក់ថា នេះគឺជាប្រភេទអាជីវកម្មដែលអាចទាញចំណូលចូលក្រុមហ៊ុន លើពីរថយន្ត Telsa ឥឡូវនេះ Elon Musk មានចក្ខុវិស័យចង់ធ្វើឱ្យក្រុមហ៊ុន Tesla មានសមត្ថភាព លើពីអ្វីដែលខ្លួនកំពុងធ្វើរាល់ថ្ងៃ (ផលិតឡានអគ្គិសនី)។ យ៉ាងណាមិញ Elon ក៏បានឱ្យដឹងថាផងដែរថា មនុស្សយន្តដ៏ឆ្លាតវៃនេះ អាចនឹងចាប់ផ្ដើមដាក់លក់នៅឆ្នាំក្រោយនេះហើយ។

គូសបញ្ជាក់ថា សម្រាប់គម្រោងការបញ្ចេញមនុស្សយន្តនេះ លោក Elon Musk ត្រូវបានក្រុមអ្នកវិភាពគិតថា គាត់អាចនឹងមានអ្វីបច្ចេកវិទ្យាថ្មីៗ សម្រាប់បម្រើឱ្យការរស់នៅរបស់មនុស្សប្រចាំថ្ងៃ។ សម្រាប់ប្រិយមិត្តអ្នកអាន យកឃើញបែបណាដែរ? បើមានលក់មែន តើចង់ទិញយកមកប្រើដែរទេ?

អត្ថបទដោយ៖ ផែន ផាន់ណា