គិតត្រឹមថ្ងៃទី ៩ ខែ តុលាឆ្នាំ ២០២៣ នេះបើយោងតាមការចុះផ្សាយពីសំណាក់សារព័ត៌មានចិនបានឱ្យដឹងថា ក្រុមហ៊ុនឡានអគ្គិសនីចិន Nio បានបំបែកកំណត់ត្រារបស់ខ្លួនមានអ្នកផ្លាស់ប្ដូរថ្មដល់ ៣០លានដងរួចទៅហើយ ហើយបើគិតត្រឹមរយៈពេល ៦ ខែចុងក្រោយនេះ Nio មានការដូរថ្មច្រើនជាង ១០លានដង។
សម្រាប់អ្នកមិនទាន់ដឹង Nio ហៅអ្នកទិញឡានខ្លួនថា អ្នកប្រើប្រាស់ ដោយក្រុមហ៊ុននេះផ្ដល់នូវជម្រើសក្នុងការប្រើប្រាស់ឡានអគ្គិសនីពីរជម្រើសសម្រាប់សាកថ្ម ដោយគេអាចសាកតាមដំណើរ ឬក៏ផ្លាស់ប្ដូរថ្មតែម្ដងក៏បាន ខណៈការប្ដូរថ្ម ឬ Swap Battery នេះចំនាយពេលត្រឹមតែ ៣នាទីតែប៉ុណ្ណោះ។
កន្លងទៅកាលពីឆ្នាំ ២០១៥ Elon Musk ធ្លាប់លើកឡើងថាអ្នកប្រើប្រាស់ Tesla មិនសូវជាចាប់អារម្មណ៍ទៅលើការផ្លាស់ប្ដូរថ្មនោះឡើយ ហើយតាំងពីពេលនោះមកគេមិនឃើញ Tesla មានការប្រកាសឬចាប់អារម្មណ៍លើបច្ចេកវិទ្យាប្ដូរថ្មនេះដែរ ខណៈបច្ចុប្បន្ន នៅចិនការដូរថ្មឡាននេះពេញនិយមដោយហេតុថា ចំណេញពេល។
សម្រាប់អ្នកមិនទាន់ដឹងថាស្ថានីយ៍ផ្លាស់ប្ដូរថ្មយ៉ាងណាសូមទស្សនាវីដេអូពីខាងក្រុមហ៊ុន Nio: