នៅថ្ងៃទី១១ ខែឧសភា ឆ្នាំ២០២៣ នេះ បើយោងតាមការបង្ហោះរូបភាពជាង១០សន្លឹង របស់ព្រោះតេជគុណគូ សុភាព បានឲ្យដឹងថា “ឯកឧត្តម បណ្ឌិត លី រស្មី Ly Rasmey នាំមកទស្សនាការកសាងព្រលានយន្តហោះថ្មី នៅខេត្តសៀមរាប។ នៅចំប៉មកណ្តាលព្រលាន មានតម្កល់ព្រហ្មមុខ៤ កម្ពស់សរុប ៧ម៉ែត្រ។”
យ៉ាងណាមិញ នៅក្នុងរូបភាពជាង១០សន្លឹកនោះ បានបង្ហាញពីស្នាដៃពិសេសជាច្រើនរបស់បណ្ឌិត លី រស្មី ជាមួយសំណង់ស្ថាបត្យកម្មអស្ចារ្យ គឺព្រលានយន្តហោះសៀមរាប ដែលក្នុងនោះគេបានឃើញនូវចម្លាក់ព្រហ្មមុខ៤កម្ពស់៧ម៉ែត្រ ដែលតំណាងឲ្យព្រហ្មវិហារធម៌៤ (មេត្ត ករុណា មុទិតា និងឧបេក្ខា)។
