ចំពោះបណ្ណសម្គាល់រថយន្ត ឬកាតគ្រីរថយន្ត មានបងប្អូនជាច្រើនមានចម្ងល់ទាក់ទងនឹង ការបាត់បណ្ណនេះអាចធ្វើថ្មីបានដែរឬទេ? បើតាមចម្លើយពីខាងក្រសួងសាធារណការ និងដឹកជញ្ជូន បានឆ្លើយថានោះ គឺអាចស្នើសុំថ្មីឡើងវិញបាន ឬហៅថា ទុតិយតា ។
ដូច្នេះសម្រាប់ឯកសារក្នុងការស្នើសុំបណ្ណសម្គាល់រថយន្តថ្មីឡើងវិញ គឺតម្រូវឲ្យមាននូវឯកសារចំនួន ៣ រួមមាន
- អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច)
- ពាក្យសុំទុតិយតាបណ្ណសម្គាល់យានជំនិះ (មានបិទលេខតួ-ម៉ាស៊ីន កាល់ជាក់ស្ដែង)
- ពាក្យបណ្តឹងមានបញ្ជាក់ពីប៉ុស្ដិ៍នគរបាលរដ្ឋបាល
- វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ(ឆៀក)
ដោយឡែក ចំពោះកម្រៃសេវានៃការធ្វើកាតគ្រីរថយន្តថ្មី ត្រូវបានបែងចែកជា ២ប្រភេទ រួមមាន៖
- បណ្ណសម្គាល់ (លេខរាជធានី-ខេត្ត) ៣៦០០០ រៀល
- បណ្ណសម្គាល់ (លេខពិសេសផ្ទាល់ខ្លួន) ៦០០០០ រៀល
អត្ថបទ៖ ភក្តី
