NASA កំពុងតាមដានយ៉ាងយកចិត្តទុកដាក់ ក្រោយរកឃើញអាចម៍ផ្កាយមួយដុំ មានទំហំប៉ុនអាងហែងទឹក ដែលវាមានឱកាសតិចតួច ក្នុងការបុកផែនដី រយ:ពេល២៣ឆ្នាំក្រោយ ហើយក៏ត្រូវបាន NASA បញ្ជាក់ទៀតថា វាអាចនឹងប៉ះផែនដីចំថ្ងៃទិវានៃក្ដីស្រឡាញ់ ក្នុងឆ្នាំ២០២៦ ។ នេះបើយោងតាមការចេញផ្សាយរបស់កាសែត CNN។
ប្រភពដដែលបានបញ្ជាក់ថា អាចម៍ផ្កាយនេះមានឱកាស ១ ក្នុងចំណោម ៦២៥ ដើម្បីវាយលុកភពផែនដី ដោយផ្អែកលើការព្យាករណ៍ទិន្នន័យពី ទីភ្នាក់ងារអវកាសអឺរ៉ុប បើទោះបីជា NASA បានគណនាចំនួនសេសជិត ១ ក្នុងចំណោម ៥៦០ ក៏ដោយ។
គូសបញ្ជាក់ថាអាចម៍ផ្កាយនេះមានឈ្មោះថា 2023 DW ហើយវាជាវត្ថុ តែមួយគត់នៅក្នុងបញ្ជី ហានិភ័យ របស់ NASA ដែលជាប់ចំណាត់ថ្នាក់ ១ ក្នុងចំណោម ១០ នៅលើខ្នាត Torino Impact Hazard Scale ដែលជាឧបករណ៍វាស់ស្ទង់ សម្រាប់ចាត់ថ្នាក់ហានិភ័យ បានព្យាករណ៍ វត្ថុដែលអាចបុកជាមួយភពផែនដីរបស់យើង។