បើយោងតាមការចេញផ្សាយរបស់ទំព័រផេកផ្លូវការ Cambodia 2023 បានឲ្យដឹងថា ពហុកីឡដ្ឋានជាតិមរតកតេជោ Morodok Techo National Stadium កំពុងរៀបចំតុបតែងជាថ្មីសម្រាប់ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ បន្ទាប់ពីបញ្ចប់ព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ ដោយជោគជ័យ។ ការរៀបចំព្រឹត្តិការណ៍កីឡាអាស៊ានប៉ារ៉ាហ្គេមនេះ ប្រាកដណាស់ថាមានភាពល្អិតល្អន់ និងច្បាស់លាស់ ដើម្បីធ្វើឱ្យព្រឹត្តិការណ៍ក្លាយជា “បទពិសោធន៍ដ៏អស្ចារ្យថ្មីមួយបន្ថែមទៀត និងមិនអាចបំភ្លេចបានសម្រាប់ទាំងអស់គ្នា”។
ដូច្នេះយើងនឹងចាំមើលថា តើនឹងមានអ្វីអស្ចារ្យដើម្បីបង្ហាញអ្នកទស្សនាបន្ថែមទៀត បន្ទាប់ពីគណកម្មាការរៀបចំព្រឹត្តិការណ៍កីឡា បានបង្ហាញនូវផ្ទាំងទស្សនីយភាពអស្ចារ្យប្លែក កាលពីថ្ងៃបើកនិងថ្ងៃបិទស៊ីហ្គេមលើកទី៣២កន្លងទៅថ្មីៗនេះរួច។
