យោងថាសារជូនដំណឹងនេះក៏បានឱ្យដឹងផងដែរថា ការជ្រើសរើសនេះធ្វើឡើងក្នុងគោលបំណងរៀបចំធនធានមនុស្ស ដែលមានទេញកោសល្យទាំងផ្នែកជំនាញ និងភាពជាអ្នកដឹកនាំ សំដៅចូលរួមកសាងសេដ្ឋជំកិច្ចឌីជីថល និងបច្ចេកវិទ្យាហរិញវត្ថុនៅកម្ពុជា។

បុគ្គលិកដែលត្រូវជ្រើសរើសនឹងត្រូវដាក់ឱ្យបម្រើការងារនៅក្នុង គម្រោងនវានុវត្តន៍ (Innovation Project) ផ្សេងៗដែលគាំទ្រដល់ការងារពាក់ព័ន្ធនឹងវិស័យសេដ្ឋកិច្ចឌីជីថល និងបច្ចេកវិទ្យាហិរញ្ញវត្ថុ (Digital Economy and Financial Technology)។

ក្នុងន័យនេះ សម្រាប់ឆ្នាំ២០២២  ក្រសួងសេដ្ឋកិច្ច និងហិរញ្ញវត្ថុ ត្រូវការជ្រើសរើសបុគ្គលិកជាប់កិច្ចសន្យាចំនួន ៣០រូប ដែលមានជំនាញដូចខាងក្រោម៖

• ជំនាញដឹកនាំបច្ចេកវិទ្យាឌីជីថល (Digital Technology Management)
• ជំនាញបច្ចេកវិទ្យាក្លោដ (Cloud Technology)
• ជំនាញអភិវឌ្ឍសុសវែរ (Software Development)
• ជំនាញអភិវឌ្ឍន៍សុសវែរទូរស័ព្ទ (Mobile Development)។

គូសបញ្ជាក់ថាបេក្ខជន បេក្ខនារីត្រូវឆ្លងកាត់ការប្រឡងក្រកួតប្រជែង និងសម្រិតសម្រាំង ៣ដំណាក់កាលប្រកបដោយតម្លាភាព ដើម្បីអាចក្លាយខ្លួនជាបុគ្គលិកក្នុងកម្មវិធីនេះ។ បេក្ខជន បេក្ខនារី ត្រូវចូលទៅកាន់ https://digitalconomy.mef.gov.kh រួចស្កេន QR Code ដែលមាននៅលើ Portal ដោយប្រើប្រាស់កម្មវិធី CamDigikey លើទូរស័ព្ទដៃ ដែលអាចទាញយកបានពី App Store ឬ Play Store។ ការទទួលពាក្យចាប់ផ្ដើមពីថ្ងៃនេះ រហូតដល់ថ្ងៃទី ១៥ ខែមីនា ឆ្នាំ២០២២ វេលាម៉ោង១៧:០០ នាទី។

អត្ថបទដោយ៖ ផែន ផាន់ណា