ថ្មីៗនេះបើយោងតាមការចុះផ្សាយរបស់ការសែត Business Insider បានឱ្យដឹងថា CEO របស់ក្រុមហ៊ុន Meta គឺលោក Mark Zuckerberg បានប្រកាសនៅពីមុខបុគ្គលិករបស់ខ្លួនជាច្រើននាក់ថា លោកគ្រោងនឹងធ្វើផែនបញ្ឈប់បុគ្គលចោល ប្រសិនបើពួកគេមិនអានសម្រេចតាមគម្រោងដែលបានដាក់ចេញ ស្របពេលចំណូលរបស់ក្រុមហ៊ុន Meta មានការធ្លាប់ខ្លាំង។
លោក Mark Zuckerberg បានមើលឃើញពីរឿងរ៉ាវដ៏អាក្រក់បំផុត ស្របពេលក្រុមហ៊ុន Meta មានការធ្លាក់ចុះ ដែលយើងស្ទើរតែពុំធ្លាប់ឃើញនៅក្នុងប្រវត្តិសាស្ត្រ ព្រោះកំណើនប្រាក់ចំណូលនៅក្នុងក្រុមហ៊ុនពេលនេះ ហាក់មានការយឺតយ៉ាវខ្លាំងណាស់។
លោកក៏បានគម្រាមចំៗថា បន្តិចទៀតគឺអាចនឹងមានមនុស្សមួយក្រុម នឹងត្រូវដើរចេញពីការងាររបស់ពួកគេ។ ការគម្រាមបែបនេះ វានឹងធ្វើឱ្យទឹកចិត្តរបស់ពួកគេ កាន់តែធ្វើការខ្លាំងជាងមុន ព្រមទាំងអាចស្គាល់ខ្លួនឯងកាន់តែច្បាស់ថា តើខ្លួនអាចមានសមត្ថភាពធ្វើការនៅក្នុងក្រុមហ៊ុន Meta ទៀតដែរឬទេ។
អត្ថបទដោយ៖ ផែន ផាន់ណា
