កន្លងមកយើងធ្លាប់តែបានប្រើប្រព័ន្ធទូទាត់លុយរបស់បាគង ដែលមាននៅលើ App ទូរស័ព្ទដៃ ឬ QRCode ជាដើម។ បាគងគឺជាប្រព័ន្ធបច្ចេកវិទ្យា ដំណើរការដោយប្រើប្លុកឆេន ដែលយើងអាចវេរលុយបានទៅគ្រប់ធនាគារក្នុងស្រុកដែលជាដៃគូរបស់បាគង។ ប្រព័ន្ធបច្ចេកវិទ្យាទំនើប បង្កើតដោយកូនខ្មែរយើងនេះ ហេតុអ្វីមានឈ្មោះថា “បាគង”?🥰
បើយោងតាមសម្រង់សម្ដីរបស់លោកជំទាវ ជា សេរី ឧបការីទេសាភិបាល និងជាអគ្គនាយកបច្ចេកទេសធនាគារជាតិនៃកម្ពុជាបានបញ្ជាក់យ៉ាងច្បាស់ៗថា “បាគង” គឺជាឈ្មោះប្រាសាទខ្មែរដែលសាងសង់ ក្នុងសតវត្សរ៍ទី ៩ នៅខេត្តសៀមរាប។ ក្រោយពីបានឯករាជ្យពីអាណានិគមបារាំង វិមានឯករាជ្យត្រូវបានសាងសង់ ដោយចម្លងតាមគំរូប្រសាទមួយនេះ។ ការជ្រើសរើសឈ្មោះ «បាគង» ដាក់ឲ្យប្រព័ន្ធទូទាត់បាគង គឺដើម្បីតំណាងឲ្យ ឯករាជ្យភាព បូរណភាពទឹកដី និង មោទកភាពជាតិខ្មែរ។ ឡូហ្គូ របស់ប្រព័ន្ធបាគងក៏យកតាមរចនាសម្ព័ន្ធប្រាសាទបាគងដែលមើលពីលើចុះមក។