បើតាមការចេញផ្សាយនៅលើផេកផ្លូវការបស់មហាវិទ្យាល័យជលផលនិងវារីវប្បកម្មនៃសាកវិទ្យាល័យភូមិន្ទកសិកម្ម បានឱ្យដឹងថា "ថ្មីៗនេះមហាវិទ្យាល័យជលផលនិងវារីវប្បកម្មនៃសាកវិទ្យាល័យភូមិន្ទកសិកម្ម បានរកឃើញប្រភេទក្តាមថ្មីមួយប្រភេទ ហើយសំណាកក្តាមនេះត្រូវបានបញ្ជូនទៅ Lee Kong Chian Natural History Museum, National University of Singapore ដើម្បីធ្វើការវិភាគ និងពិពណ៌នា និងបានបោះពុម្ភនៅទស្សនាវដ្តីវិទ្យាសាស្រ្តអន្តរជាតិ Crustaceana។
ក្រុមការងារមហាវិទ្យាល័យជលផលនិងវារីវប្បកម្ម សុំស្នើដាក់ឈ្មោះក្តាមនេះថា ក្តាមពីងពាងទន្លេសាប ហើយឈ្មោះវិទ្យាសាស្រ្តដែលបានបោះពុម្ភហើយមានឈ្មោះថា Limnopilos miromekong។ ចំណងជើងអត្ថបទ៖ ប្រភេទក្តាមថ្មីនៅក្នុងពួក Limnopilos ត្រូវបានរកឃើញពីទន្លេសាបប្រទេសកម្ពុជា Title: A new species of furry crown crab, Limnopilos chuang & ng, 1991 (Brachyura, Hymenosomatidae) from Tonle Sap, Cambodia សង្ខេបអត្តបទ ប្រភេទក្តាមថ្មីមានឈ្មោះវិទ្យាសាស្រ្ត Limnopilos miromekong នៅក្នុងពួក Limnopilos នៃអម្បូរ Hymenosomatidae ត្រូវបានពណ៌នាពីទន្លេសាបស្ថិតនៅទន្លេមេគង្គក្រោមនៃប្រទេសកម្ពុជា។
ប្រភេទក្តាមថ្មីនេះគឺជាប្រភេទក្តាមថ្មីទី៤ដែលត្រូវរកឃើញ ហើយក៏ជាប្រភេទក្តាមថ្មីទី២ដែលមាននៅឥណ្ដូចិន។ ប្រភេទក្តាមនៃពពួក Limnopilos មានឈ្មោះវិទ្យាសាស្រ្ត Limnopilos naiyanetri ត្រូវបានគេដឹងពីទន្លេចៅប្រាយ៉ាហូរចាក់ទៅខាងលិចនៃភាគកណ្តាលប្រទេសថៃ។ ប្រភេទក្តាមថ្មីទើបរកឃើញនេះ (Limnopilos miromekong) មានលក្ខណៈសម្គាល់ដូចជាមានច្របូញមាត់ មានជើងខ្លី និងសរីរាង្គ gonopod ទីមួយរបស់ក្តាមឈ្មោលដែលជំនួយដល់ដំណើរការបន្តពូជខុសគ្នាទៅនឹងក្រុមនៃពពួកក្តាម Limnopilos ដូចគ្នានេះ។ ប្រភេទក្តាម Limnopilos sumatranus ក៏ត្រូវបានគេកត់ត្រាពីប្រទេសម៉ាឡេស៊ីដីគោកភាគខាងត្បូងផងដែរ។
សម្រាប់ព័ត៌មានលម្អិត សូមអាន Poster ខាងក្រោម។"
