យើងធ្លាប់តែឃើញរថយន្តរបស់ក្រុមហ៊ុម LM Car ចរាចរណ៍នៅលើដងផ្លូវ ក្នុងរាជធនានីភ្នំពេញ និងក្រុងព្រះសីហនុយ៉ាងសម្បូរបែប ប៉ុន្តែមានមនុស្សជាច្រើននៅពុំទាន់បានដឹងច្បាស់នៅឡើយទេថា តើ LM Car មានក្រុមហ៊ុនធំណាមួយនៅពីក្រោយខ្នង ដើម្បីរុញ ទើបរហូតអាចឈរជើងបានយ៉ាងរឹងមាំក្នុងប្រទេសកម្ពុជាច្រើនឆ្នាំ?
LMCar គឺជាយីហោ ដែលមានខ្នងធំនៅពីក្រោយគឺ ព្រីនស៍ ហូលឌីង គ្រុប (Prince Holding Group) ខណ: ព្រីនស៍ បានចូលមកកម្ពុជាយើងបានជាច្រើនឆ្នាំ ព្រមទាំងបានអភិវឌ្ឍន៍គម្រោងអគារ ខុនដូ និងកន្លែងពាណិជ្ជកម្មផ្សេងៗ និងអភិវឌ្ឍន៍លើវិស័យផ្សេងៗទៀត នៅខ្មែរ។ បើយោងតាមការបង្ហោះរបស់ ព្រីនស៍ ហូលឌីង គ្រុប លើគណនី Linkin របស់ខ្លួនបានឲ្យដឹងថា បច្ចុប្បន្ននេះការទិញ ការធ្វើដំណើរ របស់ប្រជាជនកម្ពុជា កាន់តែមានភាពទំនើប ដោយក្នុងនោះកម្មវិធីទូរស័ព្ទ សម្រាប់អ្នកដំណើរ និងកម្មវិធីកុម្ម៉ង់ទិញទំនិញ ដូចជា LMCar, និង wownow បានផ្ដល់ភាពងាយស្រួលមួយកម្រិត ដល់ការរស់នៅ របស់ប្រជាជនខ្មែរ។
កម្មវិធីទាំង២ខាងលើនេះ មិនត្រឹមតែបានផ្ដល់នូវភាពងាយស្រួលដល់ការរស់នៅប៉ុណ្ណោះទេ ប៉ុន្តែថែម ទាំងបានក្លាយទៅជាប្រភពចំណូលមួយផងដែរ។ ជាងនេះទៅទៀតកម្មវិធីហៅរថយន្តជិះ LMCar និង កម្មវិធីកុម្ម៉ង់អាហារ WOWNOW បានពង្រីកខ្លួនយ៉ាងខ្លាំង ទាំងការបន្ថែមនូវបច្ចេកវិទ្យាថ្មីៗ និងជម្រើសដ៏សម្បូរបែបផ្សេងទៀត ទៅកាន់អតិថិជន ច្រើនម៉ឺននាក់។ នៅពេលដែលកម្មវិធីទាំងនេះរីកចម្រើនទៅមុខ យើងសង្ឃឹមថា កម្មវា និងដក់ជាប់ក្នុងដួងចិត្តរបស់ប្រជាជនខ្មែរ ក្នុងយុគសម័យឌីជីថលនេះ។ ជាមួយគ្នាព្រីនស៍ ក៏បានប្រកាសច្បាស់ៗថា LMCar និង wownow គឺជាអង្គភាពមួយ ដែលស្ថិតនៅក្រោម ព្រីនស៍ ហូលឌីង គ្រុប។
សម្រាប់មូលហេតុដែល LMCar អាចឈរជើងរឹងមាំ និងមានអ្នកគាំទ្របែបនេះ ក៏ព្រោះតែ LMCar បានផ្ដល់ជូននូវសេវាកម្មធ្វើដំណើរពិសេស ជូនដល់អតិថជន តាមរយ:ភាពរួសរាយរាក់ទាក់របស់ អ្នកបើកបរ ការបារម្ភពីសុវត្ថភាពភ្ញៀវ ការសម្អាតរថយន្ត និងមានភាពលឿនរហ័ស ទាន់ចិត្ត៕
