ជាការពិត បើនិយាយពីប្រព័ន្ធគ្រប់គ្រងហាងបច្ចុប្បន្ននេះ គឺតម្រូវឱ្យមានសម្ភារច្រើន ទើបការគ្រប់គ្រងហាងឬមុខទំនិញងាយស្រួល។ ប៉ុន្តែ អ្វីដែលជាបញ្ហានោះ ការប្រើសម្ភារច្រើន និងតម្លៃថ្លៃបែបនេះ ធ្វើឱ្យអ្នករកស៊ីល្មមៗ ពិបាកក្នុងការប្រើសេវាកម្មនេះណាស់។ ដើម្បីដំណោះស្រាយបញ្ហានេះបានជំទាវជា រដ្ឋា និងក្រុមការងារ ក៏បានបង្កើតប្រព័ន្ធថ្មីមួយ ដែលម្ចាស់អាជីវកម្មអាចគ្រប់គ្រងហាង ឬទំនិញក្នុងហាង ដោយពុំចាំបាច់មានឧបរណ៍ច្រើន ពោលគឺមានត្រឹមតែទូរស័ព្ទដៃ ឬថេតប្លេត និងដុំព្រីនចល័តខ្នាតតូចមួយគ្រឿង តែបើមិនចង់ប្រើដុំព្រីនក៏ ដោយលោកអ្នកអាចផ្ញើវិក្កយបត្រអេឡិចត្រូនិកទៅកាន់ភ្ញៀវបានទៀតផង។

បើតាមការបញ្ជាក់របស់អ្នកគ្រប់គ្រងទូទៅនៅក្នុងក្រុមហ៊ុន Khmum Technology បានប្រាប់ក្រុមការងារ Technology Cambodia យើងថា ប្រព័ន្ធគ្រប់គ្រងហាងថ្មីនេះ គឺបង្កើតឡើងដោយកូនខ្មែរយើងសុទ្ធ១០០%។ សម្រាប់ម្ចាស់អាជីវកម្ម មិនចំបាច់ចំណាយកន្លែង និងអស់ថវិកាច្រើន ដើម្បីទិញសម្ភារគ្រងគ្រងហាង (POS System) ឡើយ ព្រោះឥឡូវនេះ Khmum Technology បានបង្កើតប្រព័ន្ធគ្រប់គ្រងហាង ដោយប្រើត្រឹមតែទូរស័ព្ទដៃ និងដុំព្រីនចល័តដែលអាចយកទៅតាមខ្លួនបានគ្រប់ទិសទី។

លោកបានបន្តថា សម្រាប់អ្នកដែលប្រើប្រព័ន្ធគ្រប់គ្រងហាងរបស់ Khmum-ឃ្មុំ គឺទទួលបានអត្ថប្រយោជន៍ច្រើនដូចជា អាចមើលទិន្នន័យទំនិញក្នុងហាងដោយប្រើទូរស័ព្ទដៃផ្ទាល់ខ្លួន អាចទូទាត់លុយបានគ្រប់ធនាគារដោយភ្ជាប់មកជាមួយ KHQRCode ស្រាប់ អាចប្រើប្រាស់ច្រើនគណនី និងបែងចែកតួនាទីអ្នកប្រើប្រាស់ និងអាចមានលទ្ធភាពទទួលបានប្រាក់កម្ចី ដោយពុំចាំបាច់មានវត្ថុបញ្ចាំ។

ក្រឡេកទៅលើមុខងារនៃការប្រើប្រាស់សេវាកម្មប្រព័ន្ធគ្រប់គ្រងហាងរបស់ Khmum-ឃ្មុំ វិញគឺមានបង្ហាញនូវរបាយការលក់ប្រចាំថ្ងៃ ខែ ឆ្នាំ, តាមដានការបញ្ជាទិញ, ផ្ញើសារ, មើលផលិតផលអស់ពីស្ដុក, ព្រីន Label, Scan ផលិតផល, កំណត់ហាងនិងអតិថិជន និងរបាយការណ៍ហិរញ្ញវត្ថុក្នុងហាងរបស់យើងបានជាដើម។

បើនិយាយពីប្រព័ន្ធនេះ គឺអាចប្រើបានសឹងតែគ្រប់សេវាកម្មដូចជាមីនីម៉ាត ហាងកាហ្វេ ហាងចាប់ហ៊ួយ ហាងគ្រឿងសំណង់ ហាងកាត់សក់ អាជីវកម្មអនឡាញ ហាងសៀវភៅ ហាងលក់គ្រឿអេឡិចត្រូនិក ហាងនំខេក ផ្ទះជួល ភោជនីយដ្ឋាន និងហាងលក់សម្លៀកបំពាក់។ល។

គូសបញ្ជាក់ថាក្រៅពីប្រព័ន្ធគ្រប់គ្រងហាងថ្មីរបស់ Khmum-ឃ្មុំ នេះ ក្រុមហ៊ុន Khmum Technology ក៏មានវេបសាយលក់ទំនិញតាមអនឡាញមួយទៀត កំពុងទទួលបានការគាំទ្រពីអតិថិជន ដែលប្រើប្រាស់សេវាកម្មជាមួយ Khmum-ឃ្មុំ។ នៅក្នុងវេបសាយនេះលោកអ្នកអាចចូលទៅមើលផលិតផងជាច្រើន រួមមានទាំងផលិតផលរបស់ខ្មែរ និងបរទេស។ អ្វីដែលពិសេសនៅក្នុងវេបសាយរបស់ឃ្មុំ គឺរក្សាបាននូវតម្លៃទីផ្សារ និងមានគុណភាព ព្រមទាំងអនុញ្ញាតឱ្យម្ចាស់អាជីវកម្មអាចដាក់លក់ផលិតផលរបស់ខ្លួន នៅលើផ្លេតហ្វមរបស់ Khmum-ឃ្មុំ បានទៀតផង។ ជាចុងក្រោយ បើលោកអ្នកចាប់អារម្មណ៍ចង់ប្រើប្រព័ន្ធគ្រប់គ្រងហាង និងចង់ដាក់លក់ផលិតផលនៅលើវេបសាយ Khmum-ឃ្មុំ សូមទំនាក់ទំនងតាមលេខទូរស័ព្ទ 016 898 117 / 017 29 89 09 ឬហ្វេសប៊ុកផេកផ្លូវការរបស់ Khmum-ឃ្មុំ បាន៕

អត្ថបទដោយ៖ ផែន ផាន់ណា (ទំនាក់ទំនងផ្សព្វផ្សាយអាជីវកម្មរបស់អ្នកជាមួយពួកយើងតាមរយៈតេឡេក្រាម 0978324982)