កន្លងមកយើងធ្លាប់តែប្រើ Keyboard ឬក្ដារចុច ដែលបង្កើតឡើងដោយបរទេស ភាគច្រើនដូចជាក្ដារចុច ដែលចេញពីក្រុមហ៊ុន Google ស្រាប់។ យ៉ាងណាមិញក៏មានយុវជនខ្មែរ ដែលជាអ្នកអាយធីមួយរូប បានចំណាយពេលស្រាវជ្រាវ និងបង្កើតទៅជាកម្មវិធី Keyboard មួយ សម្រាប់ប្រជាជនខ្មែរប្រើប្រាស់ សរសេរអក្សរនៅលើអ៊ីនធើណេតកុំឱ្យមានការខុសឆ្គងច្រើន។
ក្ដារចុចនេះមានឈ្មោះថា Khmerlang ដែលជាស្នាដៃរបស់អ្នកអាយធីខ្មែរ ហើយបើតាមការបញ្ជាក់ពីលោកស្រៀង រតន: បានឱ្យដឹងថា ក្ដារចុចខ្មែរ "KhmerLang" មានលក្ខណៈខុសប្លែកពីគេចំនួន៣ចំណុច ទី១). អាចផ្ដល់ជាជម្រើសពាក្យ នៅពេលដែលយើង មានភាពស្រពេចស្រពិលលើពាក្យខ្មែរណាមួយ។ ទី២).អាចបំប្លែងពាក្យពីភាសាអង់គ្លេសទៅជាខ្មែរ ឧទាហរណ៍ពាក្យ YouTube មកជាពាក្យយូធូប។ និងទី៣).គឺនៅលើក្ដារចុចបានបន្ថែមនូវការរចនាថ្មីប្លែកពីគេ។
គូសបញ្ជាក់ថា ក្ដារចុចខ្មែរនេះ គឺប្រើប្រាស់បានតែនៅលើ Android ប៉ុណ្ណោះ សម្រាប់អនាគតក៏មានវត្តមាននៅលើ iOS ផងដែរ។ សម្រាប់លោកអ្នកដែលចង់ប្រើសូមចូលទៅកាន់តំណភ្ជាប់ រួចទាញយកឥឡូវនេះបាន៖
https://play.google.com/store/apps/details?id=com.rathanak.khmerroman
ការប្រើប្រាស់បន្ថែមសូមចូលទៅកាន់វេបសាយ https://khmerlang.com/
