ថ្ងៃទី១៧ ខែកុម្ភ: ឆ្នាំ២០២៣ ស្អែកនេះ រឿងមួយដែលមានចង់ណងជើងថា “ជាតិក្រោយ” ឬ Karmalink នឹងត្រូវចាក់បញ្ចាំងនៅតាមរោងភាពយន្ត។ នេះបើយោងតាមការបង្ហាញនៅលើគេហទំព័ររបស់រោងកុនធំៗប្រចាំនៅកម្ពុជា។

រឿង “ជាតិក្រោយ” គឺជាស្នាដៃដឹកនាំរបស់លោក Jake Wachtel សញ្ជាតិអាមេរិក ដែលជារឿងបែបវិទ្យាសាស្ត្រដំបូងគេនៅស្រុកខ្មែរ ផលិតនៅខ្មែរ និយាយភាសាខ្មែរ រៀបរាប់ពីពេលវេលានៅថ្ងៃអនាគត និងការស្វែងរកកំណប់មាស បូករួមទាំងឈុតឆាកនិយាយពី អ្នកវិទ្យាសាស្ត្រដ៏ពូកែម្នាក់ ដែលចង់ប្រើកុំព្យូទ័រដើម្បីត្រាសដឹង ដោយសាច់រឿងនេះក៏មានជាប់ពាក់ព័ន្ធ ទៅនឹងព្រះពុទ្ធសាសនា និងវិទ្យាស្ត្រដែរ។ នេះបើតាមការថ្លែងរបស់លោក Jake Wachtel ក្នុងវីដេអូខ្លី ស្ដីពីរឿងជាតិក្រោយ លើគណនីហ្វេសប៊ុករបស់លោកផ្ទាល់។

លោក Jake Wachtel បានបញ្ជាក់ទាំងក្ដីស្រឡាញ់មកកាន់ប្រជាជនកម្ពុជាថា​ “ខ្ញុំបានធ្វើដំណើរមកកម្ពុជា ៨ឆ្នាំមុន ហើយខ្ញុំផលិតរឿងនេះ ព្រោះខ្ញុំស្រឡាញ់ស្រុកខ្មែរ ស្រឡាញ់វប្បធម៌ខ្មែរ ស្រឡាញ់សិល្ប:ខ្មែរ ស្រឡាញ់ភ្លេងខ្មែរ។

គូសបញ្ជាក់ថាលោកបានសហការជាមួយអ្នកផលិតខ្មែរដ៏ពូកែៗជាច្រើនរូប ហើយរឿងនេះធ្លាប់បានចាក់បញ្ចាំងរួចហើយនៅតាមរោងភាពយន្តបរទេស ប៉ុន្តែស្អែកនេះគឺនឹងត្រូវចាក់បញ្ចាំងនៅលើទឹកដីប្រទេសកម្ពុជាដែរ។ តោះត្រៀមខ្លួនរួចនៅ​ អ្នកចូលចិត្តមើលកុន???