ដោយមានការស្នើសុំជំនួយពីរដ្ឋាភិបាល ប្រទេសអ៊ុយក្រែនកាលពីថ្ងៃទី ២៦ ខែកុម្ភៈ ឆ្នាំ២០២២ ទៅកាន់កំពូលមហាសេដ្ឋីពិភពលោក Elon Musk ដើម្បីជួយផ្គត់ផ្គង់បន្ថែម លើសេវាអ៊ីនធើណេតក្នុងតំបន់ ខណៈប្រទេសរុស្ស៊ីបើកប្រតិបត្តិការយោធាទ្រង់ទ្រាយធំលើប្រទេសខ្លួន និងបណ្ដាលឱ្យមានបញ្ហារអាក់រអួលផ្នែកអ៊ីនធើណេតខ្លាំង។
មិនបង្អង់យូរពេកទេ គ្រាន់តែឮការដង្ហើយសុំពីរដ្ឋាភិបាលអ៊ុយក្រែនភ្លាម Elon Musk ចាប់ផ្ដើមបញ្ជាឱ្យគេរៀបចំចានផ្កាយរណបទាំងឡានៗ ដឹកចូលទៅដល់ប្រទេសអ៊ុយក្រែនភ្លាម ជាមួយនឹងល្បឿនអ៊ីនធើណេត Speed Download 136.76 Mbps និង Speed Upload 23.93 Mbps។
/cdn.vox-cdn.com/uploads/chorus_image/image/70562189/FMtcDMwWUAAg96F.0.jpeg)
អ្វីដែលជាបញ្ហាកំពុងដោះស្រាយនោះគឺ ពេលនេះ Elon Musk បាយរាយការណ៍ជាថ្មីថា អ៊ីនធើណេតដែលខ្លួនបានបានជួយទៅដល់អ៊ុយក្រែននោះ វាបានដាច់ ដែលធ្វើឱ្យមានការរអាក់រអួលខ្លាំងក្នុងតំបន់មួយ ហើយបញ្ហានេះត្រូវបានលោក Elon Musk សន្និដ្ឋានថា វាប្រហែលបណ្ដាលមកពីអាកាសធាតុមិនល្អ នេះបើយោងតាមការឱ្យដឹងរបស់ក្នុងគណនី Twitter របស់លោកផ្ទាល់។
ដើម្បីសង្គ្រោះស្ថានការណ៍នេះ Elon Musk បានឱ្យក្រុមការងាររបស់ SpaceX ជួយរកដំណោះស្រាយភ្លាមៗ មិនបង្អែបង្អង់យូរឡើយ។ គូសបញ្ជាក់ថា មកទល់ពេលនេះមានរឿង២យ៉ាងហើយដែល Elon Musk បានផ្ដល់ជំនួយដល់ប្រទេសអ៊ុយក្រែន គឺអនុញ្ញាតឱ្យប្រជាជនអ៊ុយក្រែនអាចសាកថ្មឡានអគ្គិសនីបានដោយឥតគិតថ្លៃ និងប្រើអ៊ីនធើណេតល្បឿនលឿនបាន អំឡុងពេលសង្គ្រាមដ៏ក្ដៅគគុកនេះ។
អត្ថបទដោយ៖ ផែន ផាន់ណា
